لو كان لايهمني الوطن وعراقنا ما كان فكرت اكتب هالموضوع، لكن يعصرني الالم من تصرفات بعض ( المتخلفين ) الي تشوه عراقنا وتشوه الثقافة المجتمعية فلازم الواحد يطلع من طوره ويرفض كل ظواهر السوء كواجب وطني واخلاقي وشرعي ديني، لان ما خلقنا إلا للإصلاح ونشر الخير وطمس الشر ~ لذا مع كامل احترامي للاخ عدنان درجال بس ماخجل من نفسه وهو 24 ساعة شايل مسدس على جنبه بل حتى بتكريم الاندية مركبه بالحزام وتلتقط له الصور المباشرة عالاعلام هل هذه الأفعال تصب لمصلحة عراقنا؟ بالتاكيد لا وتشوه كل مواطن وكل فرد بسبب فعل كم سيء للاسف، من ثم العراق امن ليش نصوره انه غابة مهجورة واصلا وين الربط السلاح مع الرياضة؟ ثانيا هل عجزنا ان ننظم مسار (الإعلاميين) في التغطيات والمؤتمرات !! شنو يصير لو الكل يقف بمكان واحد ويضع لهم شريط احمر ممنوع تجاوزه ويلتزمون الهدوء حتى يتقدم لهم صاحب الشأن وعمل مقابلة، سكوتنا ليس خوف منهم لكن حرص لمنع انتشار الفتن ونابع من روح وطنية، لكن هيهات نسمح لشراذم بتشويه بلد كامل والي ما يستحي مني ومن الاساءة لمجتمع ليش استحي منه واني على حق؟ بالختام اتمنى الخير للاخ عدنان وكل فرد عراقي ماعندي شي معكم طول ما العراق سالم من التشويه وان تتعمدون الاساءة له لعنة الله على الماكرين وهو عليم بذات القلوب
14:11 - 2025/07/03: تم قفل الموضوع بواسطة iraqmyhome 03:04 - 2025/07/03: تم تغيير النص بواسطة كابتن عراقي