بعد ما فقد الأمل في انو Marjorie de Sousa تجاوبو وتجاوب حبيبتو وعيلتو اللي جيشهن ضدها، صار بدو يعمل ضجة مع الجمهور، لأنو غير هيك مستحيل نشوف خبر عن Julián Gil.
مستحيل نشوف خبر عنو بفضل موهبتو (اذا اعتبرنا انو بالاساس عندو موهبة)، كل أخبارو او ليحكو مشاكلو او عن تصريحاتو المثيرة للجدل مثل آخر تصريح مقزز صرح فيو ببرنامج Secretos de Parejas.
حتى بخلق الجدل فاشل، لانو قصصو ما بتطول كتير يا دوب بيحكو عنها يوم و بينسوها خليه يتعلم شوي من Alfredo Adame و Niurka Marcos و Alicia Machado وSergio Mayer كيف بيكون خلق الجدل على أصولو.
مش بس ممثل درجة عاشرة، طلع كمان Attention seeker درجة عاشرة.

--

اللي ما حبيت في الموضوع كيف الصحافة تعاطت مع الموضوع ببساطة وحطو Julián بدور الضحية كأنو ردو ما كان غلط. أولا ما فينا نتعاطف مع Julián ببساطة لأنو هو أكثر مشجع ومحرض للتنمر على مواقع التواصل الاجتماعي
لأنو اذا الصحافة نسيت، نحنا ما نسينا كيف كان يعمل Retweet و Likes على تويتات بتوصف Marjorie بأبشع الصفات و فيها كمية تنمر أكبر بكتير من اللي انحكالو. التنمر صار حرام بس وقت اللي صار ضدو.
خلونا نفرض انو المتنمر غلط وطبعا تصرفو مش بمحلو ابدا، بس ما حدى علق على تصرف Julián، هو شخصية عامة، لازم يكون أوعى من هيك، والأبشع من هيك Julián نشر صورة لبنت المتنمر اللي قاصر وما الها علاقة بالموضوع ابدا.
هيدا تصرف صحيح؟ هيدا تصرف ممثل؟ هيدا مثال منيح بيعطيه هو كأب لولادو؟ بعدين بيتسائلو ليش Marjorie ما كانت تترك ابنها معو (لأنو كتير بيقولو منعتو يشوف ابنو، مش صحيح، كان فيه يشوفو بس ما يضل معو لوحدهن، لازم يشوفو بحضورها هي او حدى بتوثق فيه)
اذا نحنا منشوف بس هفوات منو ومنستغرب، كيف لو شفنا الاشيا اللي أكيد هي شافتها وقت كانو مع بعض.