بالتوفيق

برنامج #الحوار_Time مع عفاف الغربي، مساء اليوم الاثنين 19:00 على قناة الحوار التونسي:
دبارة الشاف سيد القاسمي
الفصول و تأثيرها على صحتنا النفسية
الطلاق للضرر
معلومات مهمة للأم لضمان نمو الرضيع
عناية بالبشرة و الشعر ، جمال و الأفاريات

ضيوف برنامج #أنا_والمدام سهرة الخميس على قناة تونسنا:
- هالة صدقي - رياض البوعزيزي - أرماستا

قناة ON تعلن عن عرضها لمسلسل #مملكة_الحرير قريبا وهو عمل درامي فنتازي مصري يجمع بين الخيال، المغامرة، والصراع على السلطة.

بطولة كريم محمود عبد العزيز ، أسماء أبو اليزيد ، أحمد غزي ، عمرو عبد الجليل ، سارة التونسي ، محمود البزاوي ، سلوى عثمان ، يوسف عمر ووليد فواز

المسلسل من تأليف وإخراج بيتر ميمي، ومن إنتاج شركة سينرجي للمنتج تامر مرسي .

وصفي بصيلة في برنامج #دايرين_بيا :

خوفي من "التوبة التجارية" ، شفنا بعض العبادات ولات تجارية .. شفنا بعض الناس المعروفين يمشيو للحج والعمرة يعملوا سيلفيات وتصاور ... التوبة التجارية ممكن لأنو شخص تنسى ماعندوش إنتاج أو ما عندو مايعمل في الفضاء العام يلتجىء لهذا من أجل أنو الناس تتفكروا

الإعلامية #عفاف_الغربي تنشر صور لها من زيارتها لقصر فيرساي في باريس

سوار خديم الله في برنامج #دايرين_بيا :

ماهيش ملام كي تبدى حاجة أنا ما تولدتش في وقتها ، كي صوفية صادق من عام 60 قاعدة تغني وأنا مولودة في عام 2000 ماهوش جهل ، أنا مانيش مولودة في وقتها وماقريتهاش في التاريخ ... أنا في قرايتي ماقراونيش على صوفية صادق وهالة الركبي

علمت HashtagMedia.tn أن الفنانة المصرية #أنغام مرشحة لتكون متواجدة من ضمن نجوم الدورة 59 من مهرجان قرطاج الدولي هذه الصائفة ، في إنتظار تأكيد هذا الخبر وأكثر تفاصيل عن الدورة القادمة.

صانع المحتوى السوري المقيم في ألمانيا #كابتن_عبدالعزيز يكتب عن زيارته لتونس:

وداعاً تونس

عشرة أيام مرّوا بسرعة، لكن بصراحة حسيّت كأني بين أهلي وناسي.

تونس بلد حنين، ناسها طيبين، أكلها يجنن، وجوّها يروق القلب.

شكراً على كل لحظة حلوة، على الضيافة، وعلى الذكريات الحلوة اللي راح تظل في قلبي.

إن شاء الله مو آخر زيارة... ودّيماً تونس في القلب

بنشوفكم بخير إن شاء الله.

الفنانة #زازا ضيفة برنامج #فكرة_سامي_الفهري هذا السبت على قناة الحوار التونسي

ضيوف برنامج #ضيفنا_على_كيفنا مع ميساء باديس سهرة الجمعة على قناة تونسنا:

- ريهام بن علية - نوسة عزيزي - سامي قصوري

الإعلامي أشرف الكعلي ضيف برنامج #فكرة_سامي_الفهري هذا السبت على قناة الحوار التونسي

مسلسل #يوميات_إمرأة بداية من يوم الخميس 20:55 على القناة الوطنية الأولى

المسلسل السوري #يوما_ما بداية من يوم السبت 18:00 على القناة الوطنية الثانية

مسلسل #حسابات_وعقابات يوميّا 19:30 بداية من الخميس على القناة الوطنيّة الثّانية

سهام مصدق في برنامج #نساء_win :

صلاح خذيتو وأنا صغيرة ، ولتوا عايشين أصحاب ، نحبوا الحاجة نعملوها نعملوها نحبوا نخرجوا نخرجوا ، ماعندناش فلوس ماهيش مشكل ... شايخين عاملين بون كيف وإلي عاطيهولنا ربي قابلينو ، الأمور ماشية ببساطة ماهيش معقدة ، عندنا وليّد كبرناه وحطينا فيه كل شي وولا مهندس في الطاقات المتجددة في ألمانيا ، الحمدلله ... قاعدين شايخين في مسرحنا وعالمنا ، وكهو ... مهم أنو زوز يبداو فرد دومان باش هو يفهمك وأنت تفهمو ، مجالنا صعيب أنو يخليك راجلك تخرج تمشي déplacement في بلاصة بعيدة وهو موش من الدومان راهي ماهيش ساهلة .. أنو يعرف أجوائنا ، وخاصة يعرف المرا إلي عندو وفرد جو ماناش لاقيين مشكل ... عمرو ما صلاح تدخلي قال لمخرج ولا حاجة عيطلها في الخدمة هذي ، حتى مرة ومانحبوش يتدخلي أنا نحب المخرج كي يراني يعيطلي ، ماخدمتش ماخدمتش مانيش نجري ... ونحب كي نمشي نتفاوض على عقد نمشي راسي عالي ، موش على خاطر من طرف راجلي مستحيل يعملها ولا أنا نخليه يعملها

أرماستا في برنامج #أنا_والمدام :

وفاة كافون كانت غدرة ، ماتوقعناش في ليلة ونهار يجيك تاليفون الو كافون توفى ... حاجة صعيبة إن شاء الله ربي يرحمو ويصبر دارهم وان شاء الله اذاكا حد الباس ... خدمنا برشا أغاني "مازاطيل" ، "اكمي دنسي" و "جيت نعوم" و "4070" وبرشا أغاني ، طلعنا في برشا مهرجانات مع بعضنا وعلى مسرح قرطاج ، وجمعة لتالي كنا في نيس عملنا حفلة أنا وكافون ... كانت صحتو لاباس ، طلعنا غنينا في حفلة وخرجنا لمطعم وحوسنا ونضحكوا ونلعبوا ومشينا لاستديو سجل غناية وصور كليب.. وفجأة توفى

#هالة_صدقي في برنامج #أنا_والمدام :

انا بنت تونس اكثر بلد جيتها هي تونس ... أنا في تونس تكرمت 12 مرة واول احتفالية ليا كانت في تونس بعد مسلسل اربيسك كان مع السيد نجيب الخطاب الله يرحمه .. هو أول واحد دعاني اني نجي لتونس واول واحد احتفل بيا خارج مصر

برنامج #الحوار_Time مع عفاف الغربي، مساء اليوم الجمعة 19:00 على قناة الحوار التونسي:

دبارة الشاف سيد القاسمي

هل السعادة قرار أم لا؟

إنحراف إبهام القدم أو L'Hallux Valgus

عطلة الأمومة في قانون الشغل

عناية بالبشرة و الشعر ، جمال و الأفاريات

برنامج #الكبش_يدور مع هالة الذوادي يومياً بداية من يوم الإثنين وحتى يوم عرفة 17:15 و 22:15 على قناة حنبعل

ضيوف برنامج #فكرة_سامي_الفهري هذا السبت على قناة الحوار التونسي:

- زازا - أشرف الكعلي - روزي الجزائرية

" كيف تكون شيخا في زمن التيك توك ؟! " موضوع برنامج #الوحش_بروماكس هذا الأحد على قناة الحوار التونسي

ضيوف الحلقة:

خميس الماجري - بدر المداني - محمد كوكة

#حاتم_بولبيار يعود لفريق برنامج #RafMag_plus في سهرة الجمعة على قناة الحوار التونسي ، بعد غيابه مؤخرا إثر وفاة والده.

البوستر الخاص بالممثلة التونسية #سارة_التونسي في مسلسل #مملكة_الحرير وهو عمل درامي فنتازي مصري يجمع بين الخيال، المغامرة، والصراع على السلطة ويعرض قريبا على قناة ON.

بطولة كريم محمود عبد العزيز ، أسماء أبو اليزيد ، أحمد غزي ، عمرو عبد الجليل ، سارة التونسي ، محمود البزاوي ، سلوى عثمان ، يوسف عمر ووليد فواز

المسلسل من تأليف وإخراج بيتر ميمي، ومن إنتاج شركة سينرجي للمنتج تامر مرسي .

المقلدة الجزائرية أريج هوام المعروفة بـ "روزي" ضيفة برنامج #فكرة_سامي_الفهري هذا السبت على قناة الحوار التونسي

ريهام بن علية في برنامج ضيفنا_على_كيفنا :

🔷والدي اثر عليا و دزني باش نقرى صحافة بالسيف

🔷انا قريت فنون جميلة بعد الباك و قريت و كنت نرسم و نحب الالوان في وسط العام بابا قالي لا برا قدم لكونكور الصحافة ماكانش مقتنع بالبوزار

🔷ما نجمتش نقول لا لبابا

🔷مشيت قريت صحافة في معهد الصحافة و علوم الأخبار و دوبلت

🔷عالم غريب عليا فيه احتجاجات فيه مواقف و فيه آراء حسيت بالهزيمة و الفشل و قلت ريهام لازم نحط في قلبي و ننجح و كان تحدي و من غادي واصلت المسيرة

🔷الأساتذة الي في معهد الصحافة هوما شجعوني على التلفزة قالولي وجهك تلفزي كانولي مدارس و فخر كبير اني قريت عندهم

🔷بابا قالي راني عندي صديق و حاليين كاستينغ في قناة الجنوبية امشي

🔷مشيت لقيت بوبكر الصغير هو الي أطرني و عندو فضل كبير عليا رماني طول في برنامج سياسي و مباشر

🔷كانو يقولو بوها مدللها بوها شاريلها كرهبة بوها هو الي دخلها التلفزة

🔷بابا تعب علينا برشا و نحبو برشا

🔷مع زوجي سندي في الحياة هو بابا

🔷كيف يبدى حاجتي بحاجة نحس روحي كأني صغيرة لتوا

🔷كنت نشري حوايج من الفريب باش نقدم بيهم الأخبار جماعة فريب الحفصية يعرفوني

🔷شهريتي 250 دينار ما تكفينيش لازم نلبس مالفريب

🔷على مستوى الاعداد من غير ما نخمم اكثر منشط كنت مرتاحة معاه هو سمير الوافي

🔷كان يعمل عليك ما يعملش pression

🔷يحسسك الي انت تخدم معاه موش عندو ، هو professionnel

🔷سامي الفهري عطاني فرصة كبيرة مهمة

🔷عمل بينا اجتماع و قال بش نعملو برنامج مباشر وقت الانتخابات

🔷مباشر في قناة الحوار و انتخابات تصور انت ! كنت نقدم فقرة و معايا في الاوريات نوفل الورتاني

🔷قبل برنامج عندي ما نقلك لا علاقة لي بعلاء الا مرة وقتها انا في قناة الجنوبية بعثلي ميساج قالي تبارك الله عليك في البوليتيك وقتها ما صدقتش درت وريت الميساج للعائلة الكل شوفو علاء شابي شنوة بعثلي

🔷أكثر تجربة عرفت بيا هي عندي ما نقلك صحيح

🔷اي تجربتي محدودة في عندي ما نقلك و ما كنتش نتقلق خاطر كنت نخدم كمعدة في لمن يجرؤ

🔷خدمت معدة في داري ديكور و هو لا علاقة ليه بالصحافة يحكيو على s+2 و s+3

🔷وقت الي انا خدمت كرونيكوز في حنبعل مع امين قارة ما كانش فما كرونيكوزات

🔷ما حطيتش شروط خاطر كان مبلغ خيالي نخلص 3500dt

🔷بالنسبة ليا خيالي وقتها عام 2015 خاطر ما كنتش نخلص اكاكا في الحوار

برنامج 100filtrés مع إيمان العبيدي اليوم 18:45 على قناة الحوار التونسي

حمزة بوشناق في برنامج أحنا_هوني :

من أحسن اللحظات وقت طلعت مع والدي على مسرح قرطاج، هي دقيقتين لحكاية الكل... الزوز دقايق هذوكم مانتساهمش في حياتي لين نموت ، وأول مرة وقتها نشوف لطفي بوشناق الفنان موش البو خاطر حياتي كاملة مع بابا أما على المسرح حتى النظرة متاعو تبدلت مكانش نفس الشخص .. أنا عندي 34 سنة نعيش معاه هو الأب ونلقى روحي في افتتاح مهرجان قرطاج معاه على الركح عديت دقائق باش نقعد نتذكرهم بالثانية كيفاش غزرنا لبعضنا وحكينا برشا حاجات ممكن ماتعداتش للجمهور أما أنا وياه نعرفوا شنوة قلنا لبعضنا ... برشا حب ، خاطر أحنا صعيب رجال في عمرنا باش تقول لبوك نحبك وأنا نقولهالو ، وقلتهالو على المسرح وهو قالي وأنا نموت عليك قدام لعباد الكل ... كانت لحظة نجم نقول فيها لبابا نحبك بالعينين عن طريق الفن إلي جمعني بيه ... أنا اخترت الموزيكا بسبب قربي منو وكانت أقرب ثنية باش نقرب لبابا وعندي الحظ متاع زوز دقائق في حياتي معاه ... اللحظة مع بوك مهم برشا باش تعيشها ، ربي يفضل الوالدين إلي حيين الكل ويرحم إلي توفاو ، وأنا من هنا نقلو نحبك برشا مانيش باش نحشم باش نقولها قدام 11 مليون تونسي

نوسة عزيزي في برنامج ضيفنا_على_كيفنا :

🔷نوفل الورتاني هو اقترح عليا نظهر امام الكاميرا اما انا cadreuse على روحي من جنود الخفاء

🔷في التاسعة ولا عندي اربعة برامج و بنفس الشهرية ما يساعدش ياخي خرجت وعملت شان يوتيوب وحدي

🔷قعدت عامين ما خدمتش و توا رجعت نخدم وحدي بنوسة شو في تغطية مهرجانات تونسية و عربية

🔷مستحيل نلقى صعوبة مع مهرجان ديما البادج متاعي حاضر

🔷حضرت مع حنان الشقراني كضيفة و فاجئتني وقتها قالتلهم نوسة باش تولي معايا كرونيكوز خاطر تعرفني ما نقوللهاش لا

🔷هي صديقتي و نحبها برشا

🔷في cv متاعي ماهو ناقصني شيء

🔷فقرتي نحضرها وحدي في برنامج حنان الشقراني على التاسعة

نجم الجيل الذهبي طارق_العربي_طرقان وإبنته ديمة_طرقان ضيفا برنامج أنا_والمدام سهرة الخميس على قناة تونسنا

أشرف_الكعلي في برنامج فكرة_سامي_الفهري :
أنا 2011 قدمت مطلب متاع قناة اذاعية sport fm ، وعاودتها 2012 ومشيت للوزارة و 2013 و 14 و 15 و "قهروك" ، قلي شنوة المشكل ؟ ... أنا فما برشا حاجات أثرت حتى في حياتي الشخصية ، عالاقل جاوبو منطقيا ، الوحيدة إلي سألتها أمي وقتها الله يرحمها قاتلي أعمل إلي تحب وأنا راضية عليك ، وصديق ... فمشيت قدمت وبإنفعال "قناة النكاح" ، وأنا قدمتها فقط ، وأشرف الكعلي راهو متربي ومتخلق ، وأنا كنت نعمل برامج تلفزية نتخيل المشاهد أمي الله يرحمها ... أمي فسرتلها مبعد علاش عملت هكاكا ، وأنا طلعت مبعد في موزاييك وفسرت وأنا فسرت أنو القوانين متاع الهايكا لكلها بالية ، وهو اختصاصي هذا الكل أنا اختصاصي تطوير المنشئات الإعلامية وبعثها والأطر القانونية.. وقتها مافماش حتى كراس شروط متاع قناة مختصة في الرياضة ، وتغششو وأنا عملتهالهم استفزاز وأنا علمت على فايسبوك قبل بليلة ، اسمها قناة النكاح وفي الأصل عربية وفصلا وتفصيلا تعني الزواج ، هوما مشى مخهم لحاجات أخرى ربما قدمتلهم برمجة مستفزة علخر وقلتلهم بقانونكم تعملي الكاشي... تبعاتها أنا نتحمل مسؤوليتي ، وكانت تحدي للهايكا وطلعت أنا صحيح ومشات الهايكا واندثرت تقريبا والتاريخ هو إلي يبنلك أنت على صح ولا لا... ولكن المشكل في مواقع عربية وصارت إساءة إلى شخص وعائلتي وإلى بلدي ، ورصاتلي خاسر فلوس ونكلم في صوحابي ونعلموا في غوغل وتقريبا 123 موقع ... أنا كي نمشي للخليج عندي اصدقائي وفي مهنتي نتعامل معاهم محترمين جدا يفهمو ، وفي تونس يقوم يسبك ولتوا هوما ساعات نحط بوست يقلك هذا صاحب اكا القناة ولا صاحب جمعية درا شنية ، وهذا غالط ... ميسالش سبوا ولكن نقلكم بكل ود فقط ماتسبوش الذات البشرية اكهو وأنا نقبل إلي تحب

مايا تميم في برنامج Diwan_Trends مع رباب الفرجاني :

🔷كان فما لقب اكبر و اعظم من وزيرة الميكانيك كنت نعطيه لروحي خاطر انا انسانة تعبت برشا في دومان الموتورات عانيت عانيت برشا عمري لا حكيت على المعاناة متاعي

🔷فما حاجة بقات في مخي و ما تتنحاش فترة المنافسات متاع motocross في piste فما زملائي كانو يتعداو يطيحوني ويخليوني

🔷و الحمدالله بعد ما درت الدنيا وبعد انا اول وحدة مثلت شمال افريقيا ولعبت مع ابطال العالم في رالي السعودية وطلعت فوق بوديوم الي باش يطلع عليه لازم يدفع 12 الف دولار انا جاتني هدية من السماء جاتني invitation من وزارة السعودية مشيت شجعتني وامنت بيا بطلة راليات الصحراوية هند شاوش صديقتي هي الي دزتني باش نمشي

🔷ديما تجيني فرص باش نسافر ومانجمش وجاتني invitation اكبر رالي في العالم الي هو رالي داكار مانجمتش نمشي خاطرني نقري بريود امتحانات في الحالات هاذي مانجمش نخير غرامي على تلامذتي

🔷تلامذتي اهم مني و من الغرام متاعي

أشرف_الكعلي في برنامج فكرة_سامي_الفهري :

صارت مشكلة مع عمر دياب ، 2004 مهرجان قرطاج كان مع روتانا لازمك 20:30 فما بلاتو تقدمو نتالي معماري يلزمك تكون موجود و 21:00 على الركح ... مدير أعمالو الله يرحمو قالي لا يعمل رياضة بإشارة ماحبيتهاش، قتلو من أنت باش تقلي هكا أو للفريق تعالا خاطبني وجه لوجه وقلت كلمة ماعجبتهمش وحتى جماعة روتانا وطاحت نتالي معماري مرضت وقدمت أنا روتانا ، تصور نسمع فيهم جماعة روتانا في الكاسك يقولوا فاش قاعد يقول هذا راهو فناننا ... أنا مع كامل احترامي لعمرو دياب إلي مبعد بعثلي حتى الابتهالات متاعو مع محمد زغلول إلي هزيتهم لموزاييك ، قتلو راهو فما بعض الفنانين مايجوش في تاريخ حجرة من حجرات قرطاج ، من تكون راهو قرطاج هو قرطاج مهما يكون إسمك ، وقلتهولو حتى ليه هو وقرطاج لا يعلو عليه أحد فنيا ... ربما يكون تهور مني أنا ، خاطر أنا ماحبيتش .. ووقت طالع على الركح عندنا كاميرا روتانا شعل التورش قالو مدير اعمالو ضربو على يدو وكلمة كبيرة قالها ، سكرت الباب إلي يخرجو عليه وقتلو والله لاك طالعها لهنا ... الله غالب ، أنا خرجت من سينتي ، أنا لا أحترم من يهين بلدي ولا أحترم من يهين أي مواطن في بلده ومن يهين الذات البشرية ... ومبعد حكينا قتلو نحن شعب لا يقبل الأيادي ، مانيش نعمل في بطولة ولكن أنت مسيتني

الممثلة المصرية ريم_البارودي ضيفة برنامج أنا_والمدام سهرة الخميس على قناة تونسنا

زازا في برنامج فكرة_سامي_الفهري :

وصلت نمشي نغني ونشطح ونضحك من هنا لهنا وبلا فلوس .. الموضوع عند القضاء توا وقاضي التحقيق ماذابيا في الإعلام ماتحكيش فيه .. أنا مسامحة في الفلوس مدام الصحة موجودة ، كانت عندي فلوس قبل ؟ ماكانش عندي فلوس جات وحدها وتمشي وحدها وتعاود تجي مدام الصحة موجودة ... أنا نخسر مليار ومانخسرش عبد نحبو في حياتي ... الفلوس تبدل ، أنا مابدلتنيش ، كيما نلبس حاجة بمليون كيما تلقاني في الشارع بسروال دجين وكاسكات وندور نشري من عند جزار والخضار ونحكي في قصة حياتي ، أنا إنسانة عادية جدا والحمدلله عندي راجلي في داري ووليداتي إلي هوما رجالي وعندي أمي وبابا وخواتي واختي ... في الخلاف إلي صار العايلة ماتمستش ، وأنا سلمت في الدنيا والدين باش العايلة ماتتمسش وهذا الكل عملتو باش يقعدوا متماسكين ، نحكي من شيرة أمي ... أما فلوس وقت إلي أنت تخسر عبد في حياتك ولا إنسان ولا شريك ، مال الدنيا مايعوضوش ... سامحت قدام القانون باش العلاقة الدموية بين امي وخالتي ماتفسدش ، أنا إنسانة مسامحة دنيا واخرة وعند ربي خير

هالة صدقي في برنامج O_star مع أميمة العياري وإعداد فرح مرواني:

🔷في داري في مصر عاملة ديكور تونسي و عندي حالة عشق كبيرة لتونس، نحبها و نحب جمهورها و ياريت نمثل في مسلسل تونسي

🔷ذكرى محمد كانت صديقتي و قبل وفاتها كنا نخمموا وين بش نعديو عطلة الصيف و لليوم وفاتها بالنسبة ليا تمثل صدمة كبيرة

🔷بعد النجاح الكبير لدور صفصف في جعفر العمدة كنت محتارة شنوا بش نقدم أكثر و هذاكا علاه عمناول ماخدمتش و خفت منو نجاح دور صفصف

🔷المخرج محمد سامي اقترح عليا دور اخلاص كابوريا مالأول في اش اش رفضت خاطر دور سهل و قبلت دور شادية مع انو المساحة اصغر و كان فما برشا ارتجال مني في الدور

🔷محمد سامي مخرج حاجة أخرى خالص، فما برشا مخرجين كبار اما محمد سامي يحب الممثل و يتابع تفاصيل الشخصية مالأول

🔷أدّعي اني محبوبة و لهذا السبب الجمهور يحب أي حاجة نقدمها حتى و ان كانت الشخصية شريرة

🔷نشكر اي حد عمل دعاية لمسلسل اش اش من النقد متاعو من قبل ماينزل المسلسل و مي عمر مالبستش ولا بدلة رقص في المسلسل

🔷محمد سامي موش من حقو انو يعتزل خالص، تعدى بضغط نفسي و عصبي غير طبيعي، حكيت معاه و لن يعتزل هو في مرحلة راحة

🔷محمد رمضان ممثل رائع و عندو طريقة تفكير مبتكرة و الطلة الأخيرة متاعو في الحفل بأمريكا فيها جانب مصري و اطلالاتو موش هو يتحكم فيهم

🔷الهجوم الي يتعرضلو الفنان على مواقع التواصل الاجتماعي بسبب دور قدمو في مسلسل يدمرو نفسانيا و يتعب بسبب التنمر

حسن بن عثمان ضيف برنامج ضيفنا_على_كيفنا مع ميساء باديس سهرة الجمعة على قناة تونسنا

📷 دنيا علي

علمت HashtagMedia.tn من مصادر خاصة أن الفنان الفلسطيني الجزائري #سانت_ليفانت سيكون موجود في الدورة 59 من مهرجان قرطاج الدولي هذه الصائفة ، في إنتظار تأكيد هذا الخبر وأكثر تفاصيل في الأيام القادمة.