بعد الي سمعته من شوبير الصبح في الراديو 

أقدر أقولكم اننا داخلين علي صراعات وخناقات بالكوم الفترة الي جايه وهنشوف مهازل في الكورة المصرية 

إقتباس لمشاركة:	@elmasry za 1805	11:40:12 - 2025/05/15
أنا ضد إلغاء الهبوط وزيادة عدد أندية الدوري قرار غبي لو اتاخد .

كلها مصالح بين الأندية و للاسف بعد كدا لو لغوا الهبوط هنرجع لنقطة الصفر

إقتباس لمشاركة:	@elmasry za 1805	15:19:32 - 2025/05/20
اول مرة أعرف كده حاجه غريبة ههههههه

بصراحة من العجائب و الطرائف هههه شي لا يصدقه عقل .. يا حلاوة ليتوانيا

إقتباس لمشاركة:	@elmasry za 1805	19:07:55 - 2025/05/20
@Yousef Jo   انا عاوز انفصل بمنطقتنا وهبقى رئيسها هههههههههههههههه هي منطقه شعبيه ههههههه تعالى اديك الجنسية وهمسكك كذا حقيبة وزارية على رأسها الشباب و الرياضه 😂😂😂

حقيبة ايه يانجم مش اقل من رئيس الوزارة و معها وزير دفاع 

السلام عليكم جميعا 

أولا تحياتي لجميع الاعضاء جميعا وكل الاحترام والتقدير...وتحية كبيرة لكل مشرفي المنتدي جميعا دون ذكر أسماء 

عندي قناعه تامه ان لما يتم أختيارك كمشرف للصفحه فا أنت أكيد جدير بيها وأكيد شغلك في المنتدي هو الواقع الي جعل أداره المنتدي تختارك تكون مشرف لمنتدي ليس بالقليل " كووورة مصرية "

انا مشترك في المنتدي من زمن طويل ومن أيام قليله أتميت 15 سنه في المنتدي شوفت فيها أعضاء بقوا عمالقه في مجال الاعلام الرياضي زي أيمن جيلبرتو كمثال .. وشوفت ناس بتجيب اخبار أنتقالات وحوارات مع لاعيبه زي هيثم عرابي 

الي أصبح الان مسؤول كبير في نادي مودرن فيوتشر حاليا

الموسم علي مشارف الانتهاء وسنه طويله عدت لذلك بكرر كلامي من تاني اننا نشوف ايه سبل تطوير المنتدي .. لازم وحتما ولابد اننا نشوف اوجهه القصور في المنتدي 

ونحاول يكون فيه مناقشات تجذب الاعضاء تاني للمنتدي ونلاقي تفاعلات اكثر من كده علي الاقل اننا نحس بتفاعلات اكثر للمنتدي ونوسع دائرة الحوارات والمناقشات 

لذلك انا عندي بعض الاقتراحات الي ممكن نفعلها من الموسم القادم ان شاء الله أن أمكن

أولا : أعاده مسابقه التوقعات الي كانت بتنظم علي مدار الموسم مع وضع الشروط المطلوبة لكل عضو عايز يشارك 

ثانيا : مقترح تنظيم أختيار تشكيل الاسبوع بناء علي تصويت الاعضاء وأعلان النتيجه نهايه جولة

ثالثا : مقترح تنظيم لاعب الاسبوع بناء علي تصويت الاعضاء وأعلان النتيجه نهايه الجوله

رابعا : تنظيم مسابقه لأفضل هدف في الجولة بناء علي تصويت الاعضاء وأعلان النتيجه نهايه الجوله.

خامسا: محاوله أقتصار المشاركات في ملتقي الانديه للآعضاء حاملين صفه المشجع ( مشجع أهلاوي - كووورة مصرية ) يقتصر مشاركته في ملتقي الاهلي فقط ... ألخ

سادسا : أختيار مندوب من قبل الاشراف من أعضاء الملتقي بصفه نائب ملتقي  يكون مهمته متابعه الردود في الملتقي الخاص بالنادي مع أحقيته في حذف أو أخفاء الردود المسيئه داخل الملتقي فقط.

وأخيرا رجائي مرة أخري فتح المناقشه في كيفيه جذب وزياده تفاعل الاعضاء داخل المنتدي 

ولكم جزيل الشكر ... وبالتوفيق دائما