على العموم اخي حنا دائما ما نحن للماضي، وأنا شخصيا تعجبني القناة بلوغو تاعها الاول تاع رقم 3 والبرامج لي كانت تبث فيه.ضرك قالو القناة منتشرة في 3 اقمار وهي كانت حصرا على عرب سات لا تعقلو، قالو راه التردد واحد علاش ماندروهاش اخبارية وهنا يكمن الخلل.
كي تشوف قنوات مثل تلفزيون العربي كان يشبه القناة في برامجها وتحول للقناة اخبارية مع تحويل البرامج الاخرى للعربي 2، ام بي سي السعودية كانت ثان خمو ودارو العربية، ابو ظبي كانت من القنوات المتطورة اخباريا لي يعقل عليها سنوات 2000 ومبعد دارو سكاي نيوز وهكذا…
حنا تخلينا على القناة المنتشرة عربيا برامجيا، وماطورنا الاخبارية لي بقات كي لوغو كي البرامج كي الصورة كي كلش دون تطور صرالها كي الشروق.
انا دائما صاحب نظرة تفاؤلية وانا راني نقول فرصة القنوات الحكومية في المدينة الاعلامية، لا راحتلهم ذي الفرصة خلاص مبقاش امل في التلفزيون الجزائري.
وباش نفهمو ان الخروج من 21 شارع الشهداء هو الكلمة السرية للتطوير و النجاح في التلفزيون نتذكرو مسلسل عاشور العاشر عندما تحول بثه للتلفزيون الجزائري لا تعقلو وناس كاملة تستنا في الحلقة الاولى باش تتبث فيه وصرا تأخير لمدة يوم كامل وعلى واش اخي؟
الوعاء الذي سلمى فيه الحلقة الاولى لمسلسل عاشور العاشر التلفزيون الجزائري كان ذو تقنية لا تتماشى مع الاجهزة الموجودة في مبنى 21 شارع الشهداء.
الوعاء كان فلاش ديسك اخي.
