منتديات ستار تايمز

دموع الشعر ( بقلمي )

يعقوب العبيدلي · 2024-10-15T13:37:29+00:00

على وجه الورق تنزف دموع الشعر والاقلام من الحاضر ليال الماضي اسمعها تناديني أنا جيت المكان اللي تركته ماضي الاعوام واحس ان المكان اللي سكنته ساكنٍ فيني ألا يا ليت لو انّ الزمان يعود بالايام تمني والتمني دوم بالحرمان يجزيني غريب ابكي على اطلال البيوت اللي بناها قام و احس ان البيوت اللي بلا ترميم تبكيني تذكَّرني قبل لا ينبت الشارب وكنت غلام رجعت وشافت براسي بياض الشعر يغزيني زرعنا في الطفولة بالاماني شجرة الاحلام و تقول اليوم ابيك بدمعة الاشواق تسقيني وعلى الارض الدموع ان كان طاحت يحدث الاضرام واحاول ما اتسبب في اشتعال الارض من عيني أنا حاولت ادوس القلب لكني لقيت الغام وقبل لا ادوس لغم الحزن فجَّر لي شراييني أنا اللي كنت اقول انّ الزمن يجري بدون اقدام بلا جنحان طار وشفت جنحانه من سنيني محيط الذكريات اللي بعمقه درة الالهام إذا بالي غرق في غبِّته وشلون ينجيني ؟!