منتديات ستار تايمز

الشروق الاخبارية

NewMediaDz · 2024-08-14T21:27:21+00:00

السلام عليكم و رحمة الله حبيت نحكي على حاجة راهي مقلقتني شويا بزاف في القنوات الجزائرية في شريط الاخبار السفلي دايرين gmt +1 ودايرين ساعة معليش حنا نعرفو بلي توقيت الجزائر ، يعني جاية صعيبة تكتب شريط متحرك: الجزائر 22:17 غرينتش: 23:17 راني نشوف القنوات الاخرى دير حتى 5 اوقات مختلفة من المحيط الى الخليج. وزيد نداء لقناة الشروق الاخبارية، خلاص وصل الوقت باش تتبدلي خاصة في الغرافيكس، يجي خبر عاجل يغطي على شريط الاخبار العادية وخاصة في النشرات جي تقرى الخبر ناع التقرير تلقى العاجل مغطي عليه. وزيد صباح الشروق فقرة الاخبار في الصحف والله لا يغيظوني ذوك الزوج لي داريرينهم الشاشة كبيرة ودايرلي صفحة الخبر حتى نشوفهم يتقدمو للشاشة باش يقراو الخبر ما لاحضتوهاش؟ الشروق حقيقة من القنوات التي بقيت في نفس العام لي دارت فيه ذاك الاستوديو وكي شغل خلعهم ومحبوش يخرجو منو غاضهم المصروف لي صرفوه فيه.وفي رأي لازم يخرجو من قوقعة النيوز ويروحو الاخبارية يغيرو الاسم على طول الشروق الاخبارية في اللوقو ويحسنو البث والجرافيكس.