| تحدثت الممثلة المصرية منى زكي عن الصعوبات التي واجهتها خلال تصويرها فيلم "رحلة 404".
وقالت منى زكي: "أكتر حاجة عجبتني كانت لما قريت الورق اللي قدّمه لي المخرج هاني خليفة، وشوفت الكتابة الحلوة والشخصيات والفلسفة اللي ورا الحدوتة. الكلام ده كان في 2013 وكل مرة كنت أقرا السيناريو كانت بتحصل عندي نغبشة وأفكر في حاجات كتيرة. وقتها حملت في ابني الوسطاني والمشروع بدأ يتعرقل، وكنت حملت قبلها والحمل لم يكتمل، وحسيت إنها حاجة هتعطلني وفي الآخر مش هتكمل. كنا طول الوقت بندوّر على شركة إنتاج، وكل منتج يقرا الورق يقول حلو جداً لكن مش هقدر أنتجه، لأنه ممكن يكون مش قريب للناس، وهي فعلاً حدوتة مختلفة لكن وراها فلسفة ممكن تبقى قريبة من أي حد في الدنيا، وقعدنا سنين كده".
حديث منى زكي هذا جاء خلال حلولها ضيفة على برنامج "صاحبة السعادة" الذي تقدّمه الفنانة إسعاد يونس عبر قناة dmc.
elfann
|
|
