فكرتين لازم نحكي فيهم لمباراة اليوم بين الجلاء وضيفه الجيش:
_ الجيش لأول مرة رح يلعب مع محترفين، الفريق الي لعب كل الذهاب بدونهم اليوم رح يكون في عناصر جديدة بالفريق وهالشي ممكن يكون سلاح ذو حدين وفي إيجابية وسلبية
الإيجابية انو رح يفاجئ الجلاء خاصة انو المحترفين ما شفناهم قبل مع فريق الجيش ، السلبية وهي انو هدول اللاعبين الجدد مو متعودين على الفريق بالمباريات وممكن يكون في قرارات عشوائية تأثر عالفريق واللاعبين الأجانب نفسياً
ويرتكبوا الكثير من الأخطاء " متل ما بصير مع كل أنديتنا والأجانب تبعهم".
_ فريق الجلاء عم يعيش فترة حلوة مع انتهاء مرحلة الذهاب، ومستواه بتصاعد واضح، العناصر عم تخدم المجموعة بقيادة الكوتش عبود برا الملعب والخبير رامي مرجانة جوا الملعب
، نقطة قوة بالجلاء اليوم انو الفريق تحسن هجومياً وصار في تنويع بالتسجيل، السلبية بالفريق هو المحترف التاني بيرس ويليامز الي لهلأ ما لقى حالو مع الفريق وصراحة مابعرف شو دوره !!!
المباراة منتظرة صراحة ورح نشوف مستوى مختلف عن مباراة الذهاب بين الفريقين الي كانت بدون أجانب والكل طلع مستاء منها!!
لمين بتتوقعوا الفوز اليوم؟
