منتديات ستار تايمز

ذاق صدري وقلبي بالمفتاح نقفل

فاطمة شلف · 2023-06-11T13:09:24+00:00

قتلو يا راجل لولادك دير الحل كتبلهم في حياتك وعلى ربي سهل قالي هذا الشئ محال مانقبل اللي قعد يقعد ولفاق يرحل ضربني بالمواس والقلب ما تحمل وشمسي طفات ماعدت اتطل لا ثقة ولا عاهد يوفي رجل وكلش سماط عليا وتمل ماديروا فيا ملامة ياناس التل وتقلوا ظلمت راجلها وهذا باطل ولدي بعد الخسارة تالم وفشل وقال خليفتي على ربي ذاك العاقل مابغى ينعل الشيطان ويكون فحل وحرم اولادو من السكنة وتعطل الرجل بين الدقيقة والثانية يتبدل وينسى في لحظة ويفركت الشمل رواحوا يا اولادي بيا نعطيكم مثل نهار زوج بابا على يما وحتفل جهلني وخلاني نهدر بلا عقل شكون يطفي ناري مزالت تشعل ذاق صدري وقلبي بالمفتاح نقفل كنت صابرة وحاملة على ظهري جبل لمن نشكي ضري للحجرة ولا للرمل نسكت خيرلاني ما لقيت الحل بقلم فاطمة الشلفية