يا ناس لما ضاق صدري ونفذ صبري ،
إنقفل حتى قلبي وغابت مفاتحو بمخفي،
ناديت الزوج بصوت قوي متشدد وعالي،
قلت شوف كيف تدير لولادك يا راجلي،
راهم قطعة من كبدك ومن كبدي ،
لا تفرط لا تشيط توكل على ربي ،
كن كريم وعين لكل واحد منهم نصيب،
راه لكريم السخي عند الله عمرو ما يخيب،
شاف فـي شوفت لعدو بهذ لكلام جاوبني،
يا هاذ المرأة مالكي في لفضول تتدخلي،
إذا فيك نفس وابقاو فيك اولادك واولادي،
شوف ورث بوك انت جيبه وإليهم كتبي،
قالي جيبي ورث بوك ولهم كتبي
قتلو ورث ثلاث نساء وولادهم لمن يطير
لو جاء في حقي نعطلهم ونعيش مرتاح
لكن أنت فضلت نفسك يا المشحاح
وإذا ما كان عندك حتى شيء من هذا الشي،
يا لالة سدي فمك علــي وسيري تتكمشي،
راه اللي اعطاه الله شي خير صاف اعطاه ،
واللي ما أعطاه الله يقمط قلبو ويصبر لبلاه.
والله راني صابرة على البلاء
وصبري مايعلم به سوى رب السماء
======>
والله لقد كتبت هذه الابيات لحظية ،
والزلزال ضرب ومادت بي الأرض.
ثم خرجت وسمعت الناس غواثها في لهوى ساري .
اللهم الطف بنا يا لطيف وانت القادر الباري.
