بس لكل قاعدة استثناءات
بالرياضة قد ما كان التاريخ معك، إذا ما حافظت عليه رح تصير نسياً منسياً
ما فينا نلوم الأجيال الجديدة، أساساً عقليتهم غير عقليتنا
هدول جماعة عمليين وما بيشتغلوا بالعواطف متلنا
شايفين قدامهم فريق مسيطر بيلحقوه، وبس يتراجع بيروحوا لعند غيره
هدول مالن من جماعة ع الحلوة والمرّة
نحنا غرقانين بذكرياتنا الجميلة، وكل شي قديم بنظرنا كان أجمل ويمكن كافي نعيش عليه باقي عمرنا
ما رح نغيّر الهوى بآخر كم سنة لأنو مراكبنا تاهت
عشنا سنين حلوة وشفنا كذا فرحة من الجحود نتخلّى عنهم
هلأ مو زماننا، بس بنظرنا نحنا العتاق إنو الزمن الحالي أساساً ما حلو فـ خلّيه لغيرنا
الطليان أكتر حدا عايش هالحالة ولساتن أوفياء
الكرة هالسنة ما كافئتهم، بس لأنهم عاطفيين حتى الوصافات شايفينها تاريخ جميل
الطموح حلو بس القناعة أحلى وعلى قد بساطك مدّ رجليك