mohanad a
| | عضو متطور | المشاركات: 1960
نقاط التميز: 73 | | معدل المشاركات يوميا: 0.3 | | الأيام منذ الإنضمام: 6543 | | مع نهاية مشاركة منتخبنا الشبابي في كأس العالم سيتم العمل على منتخب شباب جديد ويرحل لاعبوا المنتخب الشبابي الحالي الى الاولمبي والى المنتخب الاول ولكن,
هل من المناسب ان يكون راضي شنيشل مدربا للمنتخب الاولمبي الحالي؟ اعتقد لا لان من خلال تجاربنا السابقة مع راضي شنيشل عندما كان هنالك تداخل بين جيل حكيم شاكر (منتخب الشباب 2013) والي صاروا اولمبي مع عبد الغني شهد في 2016 وبين المنتخب الاول الي كان يدربة راضي شنيشل, الي صار بذاك الوقت انه راضي مايحب يكون عندة لاعبين من صناعة مدرب غيره فكان يحارب اللاعبين المكتشفين من حكيم شاكر مثل همام وعلي عدنان... بتصفيات كأس العالم 2018 كان علي عدنان محترف في الدوري الايطالي الممتاز ومن يجي بالمنتخب, راضي يخليه احتياط! وكأن راضي شنيشل كان يدرب ريال مدريد بحيث ماعندة مكان يشرك لاعب من الدوري الايطالي! ونتيجة هذا التفكير العدائي بين المدربين طلعنة من تصفيات كأس العالم 2018 ومااستفادينة بشكل كامل من نجوم تعب عليهم العراق ...
حاليا التاريخ يعيد نفسة, المنتخب الشبابي الحالي رغم الاختلافات الي صارت ورغم النتائج بس عدنا مواهب ممتازة ولازم تستمر بالاولمبي والمنتخب الاول. مدرب المنتخب الاولمبي لازم يفكر بمصلحة العراق ومايحسبها هذا اللاعب من جماعتي لو من جماعة عماد.
اعتقد اختيار راضي شنيشل خاطيء والافضل احد الخيارين الاتيين: 1) ان يكون عماد محمد مدرب الاولمبي وياخذ منتخب الشباب بالكامل مع اضافة كم لاعب ... عماد ممكن يكون اكتسب خبرات وراح يتعامل بشكل افضل بالمهمة القادمة ... مثلا مباراة انكلترا لعب بطريقة ال 5 مدافعين والي هي الانسب النة فممكن اذا حصل فرصة جديدة راح يثبت على هاي الطريقة ويشوف حل لمشكلة رأس الحربة وممكن بالاولمبيات اذا تأهل ياخذ لاعب مهاجم فوق السن.
2) مدرب اجنبي جديد يختار اللاعبين حسب الكفائة ومايفكر هذا من اكتشاف عماد لو من اكتشافي ...
|
|
