السلام عليكم و رحمة الله تعالى و بركاته
كيفما شفتو كلكم في الديربي جمهور الوداد ماجاش احتجاجا على الأسعار اللي مضوبلة أكثر من ثلاثة المرات
في حين ان المسؤولين ديال الفريق المستقبل كانوا باغيين يعوضوا الخسائر الناتجة عن إغلاق كل من الباب ربعة و الباب ستة، بما انهم كانو مفتوحين في الماتش ديال الذهاب
الموهيم ،السلطات رفضت إعادة فتح الباب ربعة و ستة ، و الراجا باغيين يعوضوا الخسارة ،مع العلم ان السلطات المحلية قررت تخصيص مبلغ للفريقين للتعويض عن الخسائر الناتجة
و بالرجوع إلى عنوان الموضوع، أصلا قوانين الفيفا و الكاف و كل الإتحادات العالمية تمنع تنقل الجمهور بأعداد كبيرة للحفاظ على سلامة و أمن الجماهير المتنقلة و السكان ديال هاذيك المدينة اللي غادي يلعبوا فيها الماتش و كلهم اتفقوا ان نسبة الجماهير المتنقلة ما خاصهاش تفوت %5
و بالرجوع إلى الديربي تا نلقاو ان نسبة المعترف بها عالميا تقدر تفوتها عشرات المرات
و للإشارة فقط ، هناك بعض الأندية في القسم الأول تفتح أبوابها بالمجان و طيلة السنة و فجأة تقوم برفع الأسعار عندما يكون فريق معين هو الضيف،
يجب منع التنقل و قطع الطريق على هؤلاء المضاربين و الاستغلاليين
