تعليق الكاتب بخصوص حجاب مريم
ضروري أكّد أنّو الحوار أدناه لا صلة لي به لا من قريب ولا من بعيد:
النقّاش: عفواً ستنا، ممكن بلا غطى الراس؟.. لأنّو أيّ حدا رح يمسك الباسبور رح يعرف أنّك مش لبنانية هيك!!!..
هي الجملة أُضيفت من قبل شخص ما، ما فيني حدد ولا أجزم هو مين، بس بالضرورة بموافقة المخرج، لأنّو بحال كان عندو ملاحظة عليها كان حذفها باللوكيشن أو بالمونتاج.
حاولت برر، أنّو ربما الاسم الجديد الممنوح للشخصية بالباسبور المزوّر اسم يدل على ارضية مسيحية، وهاد الشي بيتعارض مع الحجاب مثلاً.
ولكن الاسم الممنوح هو "رولا زياد بيضون" وعائلة بيضون مانها عائلة مسيحية بيور في لبنان، وإذا غلطان صلحولي.
وعلى فرض انو الموضوع هيك، فكان مفروض تكون الجملة اللي يقولها النقّاش:
أي حدا رح يشوف الباسبور، رح يشك فيه، على اعتبار انو الهيئة ما بتشبه بيئة الاسم اللي اخترنالك ياه.
ضروري أكّد أنّو الاستياء الحاصل من الجملة، وتفسيرها من قبل مغرّدين كتار أو من قبل صاحبة هذا المنشور مثلاً، على أنها انتقاص من المحجبات، أو اعتبار النموذج العام للمرأة اللبنانية يشترط ألّا تكون محجبة، ما مفروض يتوجه إلي على الإطلاق.
أنا لا علاقة لي لا من قريب ولا من بعيد بهي الجملة.
بمنشور لمخرج العمل، يوم أمس، قال أنّو كل التعديلات جرت "بمعرفة تامة من الجهة المنتجة بشكل مطلق".
أكاد أجزم أنّو الأساتذة والإخوة بشركة الصباح ما كان عندهن علم بهيك تعديل ممكن ينتج هيك إرباك، معرفتي فيهن لا تحيل إلّا إلى كل احترام لكل مكونات لبنان...
اقتضى التنويه، أرجوكم ما دخلني بهاد اللغط...
