دخلت والقهوه في ايديها .. لهف قلبي من شوقه ليها
لما مددت لي قهوتها
نزلت على ايدي دمعتها
شفتلها العبره خنقتها
حاولت منمسح دمعتها
دخلت علينا خالتها
قالتلي ليش تلمس فيها
.....
قلتلها انا عاشقها
عام عيوني ما شافتها
على شاني نزلت دمعتها
خليها ف جنبي خليها
قالتلي كانك عاشقها و باغيها
تقدم اخطب اهاليها
باش تبداء تتلاقى بيها
ومافي حد يحكي عليها
بعثت الشايب يخطب فيها
قال بوها بنتي عاطيها
ما ليكمش نصيب فيها
رجع بوي منهم زعلان
طبس ينفخ في الدخان
قال بوه كيفه زمان
تقدمن لبنته ايمان
ارفضني واعطاها لفلان
يا ولدي ابعد وانساها
شوف غير وهذي بلاها
قالت امي بنت فلان يامحلاها
زين وعقل ربي اعطاها
ليش ماتمشي لبباها
احنا ماسمعنا بوها اعطاها
هذا كله وانا ساكت
غصبا عني الدمع سالت
لما امي ليا شافت
قالت الدعوه فيهم الكل وفيها
وتبقى عانس وماحد ايجيها
قلتلها ماتدعي عليها يا اميمتي انا حياتي فيها
