مَا يْدُومْ حَالْ أَلْمِّيمَة

مَا يْدُومْ ..

كُنْ دُّوم أُومَا دامْتْ لْلُوْلِينْ

خَلِّينِي نَحْكِي ألْمِيمَة

قَلْبِي هَازْ هْمُومْ العَاشْقِينْ

و سْلاسْلْ المْعَذْبِينْ

وَ أَنَا وَحْدِي هْنَا هْزْمْنِي الزْمَانْ

هْنَا جَالْسْ نْسَاوِي وْتَارْ حْرُوفِي

جَالْسْ نَكْتْبْ بْرَاوَاتْ ألِلْعَارْفِين

وَ نَْذَكّْرْهُمْ وَ نْذَكّْرْ نَفْسِي

فْ اأَللِّي فَاتْ وَ دَوّْخْ الرَّاسْ

وَ خَلَّى القَلْبْ سَاكْنُو الوَسْوَاسْ

فِينْ الغِيوَانْ وَ فِينْ نَاسُوا

فِينْ الزِّينْ وَ فِينْ نْعَاسُو

مَلِّي يَرْسَمْ الزّْمَانْ عْلَى الُّوجْهْ وْشَامُو

وَ نَحْفْرْ أَنَا بْ الحْرُوفْ زَهْرَة أَلَّحْبِيبَة

وَ نَادِيهَا مْنْ مُورْ الجْبَالْ

وَ نْقُولِّيهَا عَدَّاكِ تَنْسَايْ

فَإِلَى أَنْتِ نْسٍيتِي أنَا مَانْسِيتْكْ

مْنْ كُلْ اعْمَاقِي بْغِيتْكْ 

وَ حَاوْلْتْ نَرْسْمْ لِيكْ صُورَة 

مْنْ كُلْ قَلْبِي عْشْقْتْكْ 

وَ بْنِيتْ لِيكْ مْنْ الوَرْدْ قْصِيدَة

دِرِينِي فْ بَالَكْ أَلْحْبِيبًة

وَ سْكْنِينِي قَلْبَكْ بْ لُوفَا

وَ زَرْعِينِي فْ صَدْرَكْ شَجْرَ مْنْ الشُّوقْ

وْ نَصْبِينِي عْلَى قَلْبْكْ سِيدُو

وْ اعْطِينِي سْوَارْتُو أُو خَلِّينِي أَنَا حْبِيبُو