بالعكس ظلم صابرين جدا
حتى ولو الشخصية تقليدية واتعملت قبل كدة بس دة لا ينفي إبداع صابرين
تكرار الشخصية مالوش علاقة بالأداء
شايف إنه ظلم ليالينا جدا بدليل إن أهم نقطتين ركز عليهم في النقد غير موضوعيتين بالنسبة لي
1- عدم استغلال الحادثة لإشعال الصراع بين العيلتين
المسلسل قدم إن كل طرف كان ناوي مايتنازلش عن حق ابنه- بنته بس كل طرف لم شاف خسارة الطرف التاني أخد خطوة الورا
ودة المنطقي ازاي مثلا عيلة البنت ترفع قضية على واحد بحجة إنه عمى بنتهم وهو نفسه فقد رجله في الحادثة؟ والعكس صحيح
2 - بطء المسلسل
المسلسل مش مصنف نفسه إثارة وتشويق عشان يسرسب الأحداث ويفتعل إثارة غير مبررة
المسلسل مصنف كدراما وهو مقدم دراما جيدة من خلال حدث أساسي وتبعاته وأحداث فرعية تتطور من خلالها الشخصيات
المسلسل يعتمد على الحوار في المقام الأول ورسم وتطوير شخصيات معينة
عشان تكون موضوعي ناقش الحاجات دي
