سمحوني يا ناس شوفوا كي رنـي    راني معطوبة من قلبي دخلاني

   حازنة و حزني باين في عيـــاني      جنان بويا نباع و شراه برانـي

لا حشيـــــش لا نعنــــــــــــــــاع         لا غرس اللي كان في جنــــاني

يـــــــــا حسـراه على أيـــــــــــام        هدك جنـــــان من كـــــــان

كل شي ضــــــــــــــــــــــــــــاع          لا كرمـــــــــة لا دالية لا رمان

واللــــــــــــي كواتني قــــــــــاع         الكثــــرةشجـــــرة الريحــاني

عــــــــــــاد ملكنـــــــا لناس آخرين       رانــــــــي مدمرة و قلبي حزين

عليهــــــــــــم نبكي بدمعة العيــــن         يـــــــــا وعدي مقوانـــــــــــي

المرســــــــــم اللــــــــــــــي كبرت           وعشــــــــــــــت فيـــــــــــــه

واش اللــــــــــــي يصبرنــــي عليه      وعلى احبـــــــــابي و جيرانـــــي

لوكـــــأن عندي دراهم نشريــــــه      و حتـــــــى واحد مـــــا يديــــــــه

حتــــى لا نعــــــــــــــــــــاني عليه         مـــــــــــــــــاراني نعـــــــــــاني

نصبــر روحي و لا خاوتي الصغار        مرضوني و شربوني لمــــرار

و راه قلبــــــــــــــــي مضــــــــــرار      حمزة خويا بكــــــــــى و بكانـــي

وبكـــــــــــــاه زاد عطفي و حنـــاني      قلتله لا تبكي لا تزيد في حزانـــي

راح مـــــــــــــول الرأي و المكــان      مــــــــــــــــا عسا الفــــــــــــاني

مــــا يخـلد فيهـــــــا طمـــــــــــــاع         واللي عمــــــــــــاه الشيطــــــان

وكبــــــــــــــرت كرشه علـــــــــى       المـــــــــــادة و الفــــــــــــــــــــاني

قــــــــــــــــاع ندو شبــر من الأرض     كــــــــــي الفقير كــــــــــي الغاني

وكـــــــــــل من علينـــــــــــا فــــان       الدايــــــــــــم فيهـــــــا غير الرحمن

يـــــــــــــا خالقي يــــــــــا مولايـــا         الف بيــــــــــــــن الاخــــــــــــــــوة

قــــــــــــــــــــاد ليــــــــهــــم الرأي        وزرع في قلوبهم الرحمة و الحنـــــان

بحـــــــــــــــر على البـــــــــــــــاقي      حتى بونـــــــــا يرقد في قبره هانـــي

بقلي