السلام عليكم ورحمة الله وبركاته ..
ننتقل عن النمط المالف الى العتب القاسي ..
قصيدة بابيات محددة .. وقتا ممتعا.
وعذرا من التقصير ...
تحياتي اخوتي ...
رساله الى ............؟؟؟
جاوبني!! تسكت هسه من احاجيك
صار سنين انشد وما سمعت ردك
تصد عني تالي العمر لمن الاكَيك
ودلالي تايه بالحزن من كثر صدك
لك !هذا اني الجنت بروحي شاريك
تغض البصرعني من اوصلت حدك
قدرت ثوب الوفا كلت للموت أوافيك
عقرب الاسود بالطبع شفته عندك
اعرف هذا موطبعك طبع الحواليك
لبسوك ثوب الحقد مفصل على كدك
صرت اعمى القلب بس ابقى خليك
ما تستاهل قلب طيب صافي اليودك
من عيني طحت وابد ماارجع اللكَيك
من قلبي مالك مكان هم راح اطردك
تضحك وبالضحكة هم جذاب ادريك
مثل ما تحجي صدك والجذب قصدك
مثلت دور المحب وطلعو مدربيك
بس لا ما تلعب علي لا وحك جدك
و يجي يوم اليضحكك لازم يبجيك
يخلي الدمع يجري تيزاب على خدك
...
بقلمي ..... محمد العنزي
5-8-2018
