خايف كي تغمض لنعاس

خايف كي تغمض لنعاس
**** ننجبر في منصب الوحدا
ترحل الروح مـــع لنفاس
*** مصعب أنهار الصدا
تبقى الجثة بلا إحساس
*** آحسراه في ذيك الجهدا
مسكن ما تبنى بالساس
*** ماتعلى و أنحكم بالعمدا
مسكن محفور بالفاس
*** طوله حساب ما يتعدا
الغاني و الفقير يتقاس
*** أجميعنا راحليين للحدا
وين هو أخيارهم يا ناس
*** و أنبياء أخريين عَدا
ذلفانيا تغوي في الراس
*** تعلي أقصور أمشيدا
طمع و تبني لهواس
*** حاسبين يعيشوا مخلدا
(( فراش))
يا قلبي إستغفر الإله
*** أذكر سبحانوا تعالى
سبحانوا رافع أسماه
*** منصب الأرض بجبالى
سبح زيد بعز أجلاه
*** غيره مكان المتكالى
بن آدم متعه و رضاه
*** بعقل يفكر في كل مجالى
الملك ياك هو مولاه
*** يسيير بأمره يارجالا
القرآن و يامن تقراه
*** أفقه تعلم في كل أمسالة
(( هدة))
قرآن مقدس تقداس
*** مداوي المريض يستهدا
يامؤمن لابس ذلباس
*** أحسن في قلبك العبادة
بالإسلام تكون لباس
*** و موت موت الشهادة
الله يبعدنا من التدناس
*** أتكون بيناتنا أحدادة
أغفر أذنوبي تنقاس
*** بأنبيا و صالحين مَداده
بضفوف القلب تتراس
*** قلبي بالإيمان يهدا
عزيز طايع لجميع الناس
*** نيران قلبوا صاهدا



بقلم العبد الضعيف :/ عبد العزيز شرفوح

_خــــــــــــويا_

 ياذاك الإحساس // بقلمي

 

ملجواهر :/ معناه من جوهر الشيئ  مادريت :/ لم تعلم عيات: / أرهقت نبداك : / أبدأ بك قاني : / حسن الحديث قايله : / قاله تراس :/ رجل لبدا: / دائما  ننقاس : أنقاس أو أُضرب شيخ  :/ هو المتمكن في الشعر فرناس :/ ذكي لباس: / الحمد لله الملحون :/ ملخص جملة الشعر الملحون كبرني : / شيبني " الشيب" ساعفني :/ تمهل معي هاس :/ إتمام الأمر       لا تعطبني مادريت عني ماتعرفني*** *** في تمحاني لخاطر ـِكـ ـ راه داس *** ياذاك الإحساس لا تعطيني   ملجواهر ساكن أكناني*** *** لقيت من مثاله عيات الناس *** ياذاك الإحساس لا تعطفني بشوق يا كفيف عيني *** ***لا تعلم كيف هو حبيب لكاس  ***   ياذاك الإحساس لا تعَطلي في حرف  هو هالكني *** *** من جواب عني ساكن لنفاس *** ياذاك الإحساس نبداك من حديث بيه  آنا   قاني*** *** أستمتع بلحن قايله تراس *** ياذاك الإحساس الرمزي حبيب لبدا مرافقني *** *** و ينجرح  كيف أنا ننقاس *** ياذاك الإحساس الشيخ شيخ هو اللي يشارعني *** ***أهل أمرتب بلحكمة فرناس *** ياذاك الإحساس عزيز إسمي بيه ناس تعرفني *** *** بالعِزْ و الفهمة كابر لباس *** ياذاك الإحساس الملحون هو سباب اللي كبرني *** *** تعلمنا من عند كذا قناس *** ياذاك الإحساس إذا صغرت في حديثي ساعفني *** ***و كُبري معناه بحوري هاس*** ياذاك الإحساس بقلم عبد العزيز شرفوح   إنتهت يوم 23 /05/ 2012

آفكري كي جيتك رحاب
**** غطات لعقل بياض شيبوا

نوصيك بكلام صواب
**** خايف من رياح عليك يهبوا
راني منك ساكن لعطاب
**** في ذاتك قدات بنيران لهيبوا

أهلاكي منك أنت سباب
**** عَزي لخاطر وين تصيبوا

لاثيق في ذوا لصحاب
**** كف في عزك لا طيب طيبوا
قلب هو لي لبدا قلاب
**** الليل بدماسه غم نجومه يغيبوا

مايغرك اللي هوكذاب
**** كل واحد أعطيه حق نصيبوا

نميمة مثل نبح لكلاب
**** بنيان كذب حق حيطانه يريبوا

شكري لمولايا لوهاب
**** رازقني بثات الجرح وعطيبوا

غميت لكتام بالكراب
**** خايف تجاور سراري مع عيبوا

ندري بيه لساني نشاب
**** قناس فالحديث يعطب بضريبوا

نحوي فالعقل ما عاب
**** يستاهل مصيري بشراب حليبوا

عزيز نغم في هذ ركاب
**** هاوي في لملحون حين يجيبوا

هذا ماصح لدأبي جاب
**** كل لسان ليه ميز و طبع خطيبوا

نختم و متواضع يالحباب
**** الله يلاقي كل حبيب بحبيبوا

بقلم العبد الضعيف : / عبد العزيز شرفوح

إنتهت 01/08/2013

عنوان القصيد :/ يالخوان خاوتي عديان لعاطي ربي سبحانو مايبخل ف رزقوا العلي العظيم سبحانوا مول الشان الحمد لله ماندوموا في هذ الدنيا مانبقوا ياباقي ياحي ياقيوم ياخالق لكوان أصلاة على النبي زاد في قلبي عشقوا صاحب الرسالة سيدنا محمد العدنان سيدي محمد أرفق راهم بيا مارفقوا خوتات و خاوة بخسوا رجعوا عديان حقي مهظوم من دمي هما لي سرقوا الله يجعله مسكوب في ويل النيران كي جات في الضعيف فطنوا و سبقوا الكسب ليهم بالخطفة صحاب لميدان يسبقوا في الصلاة بتاج يعرفوا يلبقوا يدعوا ربي يغفر ذنوب مكتوبة بقطران ياناس هذا رب العلمين يعلم بلي يتنفقوا عالم الخفية ماجرات في نفوس لبدان الشقيق حين يخدع و يخون شقيقوا مابقى يا ناس ليوم في هذ دم آمان عبدالعزيز لاح غبنه للي مايضيع حقوا في ليلة النص من ليالي سيدنا رمضان نستسمح لي حديثي صحيح مايروقوا زعاف الدنيا هو لي كتب ذي لشحان إنتهت بإذن القدير ليلة 03/07/2015 بلقم العبد الضعيف :/ عبد العزيز شرفوح

طلبت يتبدل لحال ماطلبت المحال طلبت يتبدل لحال ماطلبت المحال و يصحىا حالي مايبقى متعكر هبيل في وهامي مشغول البال و جمد التفكير كيف نفكر تمنيت هنايا أتمنيت أشحال سكران بلا خمرة لبدا نسكر تقلق صبري عايش في الدوال حقه كي راح يمشي متنكر و شفنى رْجال بالمعنى رِجال سامطين لقعدا صحاب لمنكر إذا كان تسال على من أتسال صحاب الفوايد غير تتكركر الباغس إذا خصل يرجع صال و الصال من عودوا ما ينذكر لهيتيني يادنيا و فاتنا هذ الدال هرب الشباب في عمر البكر شاب الراس كي زادت ليا لنحال ونعارك بجراح بتحية شكر دعيتك ياخالقي أمري راهو طال طولت هذي لكراب فر و كر زادت لنفاس كي مواج الهطال خارجة و داخلة من ذلوكر كلمتي نقولها و ما فيها تشكال خوفي قاتله في بحر الحكر عبد العزيز برك طايع للأبطال لي اللي يستاهل عندي ينشكر إنتهت بإذن القدير 03/12/2012 بقلم عبد العزيز شرفوح

واش نحكيلك يا صاحبي و أنا مجروح أنزافي في الدواخل زايدة في قراحي تطياح النيف عندي ماهو لي مسموح يالوكان عليه ننهلك آآه أطيح رواحي تضياق أنفاسي بعد لي كانت مشروح تتكاثر كرابي في حين تشوفها لماحي نجمل في لوقفة و لخاطر حاله مذبوح قلب حامي قايس فِ خصم لبدا لاحي يامن جهلت فِ فكري حسبته مبطوح ماعرفت المعنى فالحديث هي سلاحي نغمة لملحون فالكلام كِ راهي مبحوح سرج لخيول هو يثبت قناس أرماحي الرمز عليك يا هاذ ليل فِ هاذ البوح آمن أعتابرك في قلبي ماشي أسواحي أنا كي قصد ماندخل مدخل السطوح نرجى باب المكتوب و كاتم أفواحي عزيز قايس نظموا و طالب السموح طالب للمولى يكثر فالصدر شراحي يامن تجهلني تعْرَفْ فاسميا شرفوح أتركني في لطف أبعيد ستر أقباحي *** بقلم العبد الضعيف :/ عبد العزيز شرفوح إنتهت بإذن القدير 12/08/2013​

داس ضري خازنه في دأبي لخافي كاضم هوال بسكاتها ماحبت تهمد صابر للقدر ف حين بردت أكتافي صامد بإيماني نحمد مولايا الصمد ذايق ملمرة في شرابي ماني كافي... ملجراح أنازع تلاقاني غ نضمد تلاقاني ملفراق نبرد في زعافي جيوش لمنازع في لخواطر ماتهمد لسقام ياسر الله سبحانه هو الشافي حين الهلاك بجروح عاطب معمد لزيت للملحون يلعب لعب لقوافي و يرقص على ميزان فيه مايهمد نشوة المعنى كي لحبيب مع لهافي سكران بلا خمر ماش في هذ المد تمنينا يكون لمحبوب في دأبه دافي هكذا يحمل لي حملت ملهموم يلمد و ل مرات نتمنى يكون في لعوافي نبقى وحدي نصالب في هذ شرمد عزيز هاوي لاح بلي هو كافي حين لمح سعاده كي طاح تمرمد نختم بسيدناماتروى عليه شوافي اللهم صل و سلم ل سيدنا محمد إنتهت /11/07/2014 بقلم :/عبد العزيز شرفوح

فراق محتم آحريق قلبي خارج من حزاني أطفي نارك راهم بينا أنساو أقتل الشعور و بكي لي بكاني كيما أتبلينا لازم بلهم يتبلاو لبي المن راهي لمنية ترجاني لنفاس تاعب ولغبان بيا أقواو آيا نار حين قويتي بيا نيراني هذا نواك دفع في لي هما بقاو لمرسم لي بيك يالجافيا لقاني ليوم فرقنا بخواطر راهم مشاو صبرنا للهوى ماطمعنا للفاني أسكتنا على كلاب علينا دواو عبد للعزيز بسكوته يرسم باني داعي ربي يعطيك ماتتمناو هذا لمكتوب نتمنى تكون هاني لا تمسك لحر تركهم يسعاو بقلم :/ عبد العزيز شرفوح إنتهت بإذن القدير 11/04/2014

قديك يا شمعة قديك يا شمعة عاطبني في لجراح ساهرة ساعات أمعايا أتعـــــيشي ... دمعك هطيل لبدا راهو نــــواح صابرة في مكوثك راتبة ما تمشي آحبيبة الأًدابة صديقت الأـلواح آحبيبة لغبان و الدموع الرمشي بالله سألتك متأجج من الأقراح سري كاميه آيس ما نـــــفشي خبريني من همك خاطرك يرتاح لكتام ياسرة في الصحة أترشي خبريني نستمتع من النار الفواح أنحظر الماضي فالواقع شاشي صورة جالسة من زينة الألماح مجلسات العذاب شريت أنعاشي أنهلكوا أسفايني و الحرف بحاح نتلطم في موج هايج مايرحمشي أرميت رمزي في المعنى لوآح أدبي ميتم مايفهموه غـــاشي مايفهمه لي يمشي بيوت سواح يحب لمظهر يتسرع فالحواشي حسبوا الناظم متنزه في لــفراح حسبوه فطيم يلعب كي مادراشي ماعرفوا بحروا عاصف ما يرتاح الشاعر لـــبدا متهول ما يهناشي عبدالعزيز بالمعنى راهوا زلــــباح شرافحي في الأصل كانك ما تعرفشي بقلم:/ عبدالعزيز شرفوح

يقولوا ( دوام الحال من المحال) بصح هذ الحال راه زاد في حوالوا يقولوا ( ياك الصابر هو لي ينال) بصح لي نلتوا أنا غير رياح هوالوا دعيتك أنا يارب آآه و ليوم طال طالت ساعتوا ليله زاد في طوالوا أنت داري بلظاهرة و كاتم لدخال ياعالم الخفيا في هاذ النية قبل قوالوا أبديت حديثي و أنا مهموم البال عواصف ملكراب لعقل ساكن جوالوا لاتسال على للي عليك ماحب يسال كل عنصر عنده مجرى منبع سيالوا طرفة يشوفوا مني حالة من الهبال ماعاموا بحري في لياليه كي كحالوا كل واحد فيهم تسمع من عنده مقال يقولك ياحسراه الناس هما الي قالوا البعيد على البلا راه يهدر بلا دال لبغض و الكراه ساكن في قلب ديالوا صحبت المصالح بنيانها الرمال من بعد النشاف يظهر على أحوالوا الدنيا يافهام محسوبة بالحوَال صغير يكبر والعقل الله يثبت عقالوا نستسمح يافهام كي نظمي أقلال حين النية سقطت من كاف جبالوا يمكن لنية أمشات في وقتنا هروال غبنها عصر السرعة أرجاله أذبالوا يمكن الحق في وقتنا زفرة سُعال و غبنه المال لا تسأل شكون موالوا عزيز مسلم للعرب لي هما رِجال أما مذلول الأرض الله لا يفك زبالوا نستعذر في الطيحات عندي شحال فقدت في ذلملحون كذا أوزان أكيالوا راني هاوي و الهوى لبدا جوال الملحون بكيته حين ماصبت لي بكالوا نختم بسبحانه ربي ماعنده إهمال تتكاتب ذي لقدار حين لقلب ليه شكالوا إنتهت بإذن القدير 05/09/2013 بقم :/ عبد العزيز شرفوح

دهمت البشرة نسمة من نسايم البوادي دهمت البشرة نسمة من نسايم البوادي **** مستورة بخمار تحته سود الثيثان مقرونة الحواجب عطب الحضري و البادي ****و لشفار النايمين خويا هلكت لعيان خوخا في الخدود في تبسيمة تهادي ****و لشفاة مخبيا عسل حر مابي ن سنان لنهد أعلى في شجرة من ثمرة الزهادي ****و السمايم تستنشقها أروايح مرجان أسباب أهلاكي خيرة سودة لثمادي ****عضراء راتبة من نبت أصل العربان أهميم أهبيل الدموع طريق بخدادي ****ماشفت زهو مثل قراني بائس بلأحزان مهلوك كي البراني ما عندي طاق ة يا سيادي ****و الصحيح يناقر صحيح لفكار و لبدان خبرته راني صغير عيت ما نصادي ****في سهاوة و تخمام لطمت حجايا طوفان من لا يصحح في الصراب يهمل ينهلك غادي ****و من لا ينجرح في الدنيا مايتعلم هفواة الزمان ضيفني في حال قالي لا تقنط ياولدي **** و للي ما يصبر للنقار و يكابر يولي خسران أوصلتوا في هلكة متمني نصيب جوادي ****و يعيني في الركوب من مسالك عند العديان أبلغت شورة أسباب هلاك أسعادي ****في مرسم أبعيد أغديت قاصده ضان شفت أحكيم ضاع تلفلي أرشادي ****ماصاب أدوايا كي بغيته يسلكني من لمحان راني كيف الهبيل حالي جاي وغادي **** طايع للقضاء من عند المولى سبحان نيران النوى في الدواخل زايدة صهادي ****ما زهرت ما طفات ماخرج منها دخان الدنيا عمية ساعات تدمرك غادي ****ماء لرويان و المخصاص يشوف عطشان دير ظنك و مايخيب في المولى الهادي ****عالم الغيوب رب العزةمولايا سلطان عارف جا ي الحال و نسكن ألحادي ****و مايدوم غير الدايم أيس غيره مكان نستسمح سامعين من فحو كلام أنشادي ****لي مايصيب عارف غريب يهمل في الطرقان لا تقول عليا ذاشيخ بقوالوا ينادي ****فاهم من أمور الحكايم مبالغ لشحان ذلإنسان يسال أهل الراي الفاهمين أسيادي **** مسلم لشيوخ جملة حرمة و أحسان عبد العزيز مبلي للي ما عرف جوار أصهادي ****بالجوهر شيخي حافضني مستور بالحنان أعشيرتي تيارت هذاك وطني و بلادي ****ساعي في الرضة نستحشم من نعرة لهوان أشرافحي أصلي من نبت أصيل أجدادي ****ملقب بفضل الكريم بويا بوزيان تسعم ية و ألف سبعة و تسعين ميلادي ****أوساط ديسمبر كوامل شهر شعبان نختم بالصلاة على النبي خيار العبادي ****من تنزلت عليه كم أيةأم القرآن إنتهت بإذن الله يوم 17/12/97 بتيارت بقلم العبد الضعيف / عبد العزيز شرفوح

و كل الخير يدوم بأمثالك أختي الكريمة

شكرا لك على المرور الطيب

و عطر ردك أدرك متصفحي أجمل  

تحياتي

الله يبارك فيك أخي

السلام عليكم و رحمة الله تعالى و بركاته بسم الله الرحمن الرحيم *** لا تسألني على سباب رق أجروحي و ما بلغت المنية مازالها في الداس واش من لكتام ماكثة جاورت روحي شربتها لصبار على خروجها عساس غيث لثماد جفت طلقتها من نوحي و سجنت لفظاح في مغموم لنفاس أحصنت سراري بيه ضمدت قروحي لي يسألني يسمع فِ فحوي لا باس دخان كيف و سبسي ليالي ذروحي صحبة لغبان رافقتني في لدماس إذا تزعزعت النشوة تكون صبوحي و مراري شاربه مالدنيا لآهو كاس أسمحلي ياصاحبي إذا مالقيت بوحي العشرة فتاشة و قتلت كل إحساس إذا طلبت لعذار أنا طبعي أسموحي أخلقني ربي كيفي كيف كل الناس حاشا ل قصدني يروح بلا شروحي نعطيه الباين الدارق راهو فالساس عزيز ناظمه أصله باين شرفوحي طالب السماح في فحو هذ المقاس بقلم عبد العزيز شرفوح إنتهت 20/10/2012

عنوان القصيدة :/ بـــــــــــــاب الصحراء ك ـــــ نتفكرك خطرة على خطرة *** كيادي صبرة ** يزيلف خاطري في هوى لمحــــــــان *** كي رانـــي عيان يتهيج الخيال يتوحش الخزرة *** في ذيك النظرة **في عواصف الصحراء حولت لكثبان*** تهتف في لذهان كانت هاديا في صراب الصحرى*** يتمنى دورة **تهمل في تابعوا لبـــــــدا حيران*** ماصاب العنــــوان ل ـ ماشيله مغوي دايته نظرة*** جاهل ماقرى **يطمع يوصله يتمنى فرحان*** يصالب في لمحان كاتم سراروا و أدايها نعرة***أحسبها جورة **في غمد أجوافوا ثاقبة نيران*** زايده التشطان يتبسم للناس و يتحي وقرة*** كلي ما درى **في فاهوا مابانت صهود ودخان*** ركانوا بركان نظمي حامله لأهل الكبرة *** مفصل فالهدرة **ناس الحرم و الوجب أمعان*** من كل مكان ذاك شيخ فامحاين أدرة *** من ذيك الضعرة **يعلم أبخوه فالوجه أتبآن *** باين عيان يعلم بالهوى فالدواخل سرى ***مكوي بالجمرة **معطوب الإحساس قلبي حنان*** في بحروا عطشان يتعذب شوق تطوال السهرة***أقباله صورة **و يقول المجروح توحشتك بالعيان*** يازين الفتان كانه أتسقم لازمه صبرة*** قضاء و قدرة **أنفاسوا هايجة يواجه لغبآن*** في ليالي سهران مكان رفيق آنس في الهدرة *** فاهم في نظرة **يخفف في لكدار حاملا لي كان***في بحروا عطشان عزيز اليوم شوقاتوا عضرة*** راحلة برى *** حين تبسمت حديثها رنان*** بنيت الفرسان ركبت في طاكسي عولت شورة*** مالكِ يا مرَة **العز و البهاء راح نيشان*** زينة لحسان درقت مع عقلي هذ ياللجمرة*** جاتني الكرة **في بلبل الصحرى ماعندي عرفآن*** مرسولي عيان نختم بالصلاة على مول الإسرى*** شفيع الآخرة **و لجميع الأنبيا من آدم للعدنان*** جمعة يالخوآن ندعيك ياخالقي طالب المغفرة*** عبدك أتغرة **في ليلة دامسة من ليالي شعبآن***هالك ماتمحان إجعل قسمتي دوآم في يسرة *** لا تخليها عسرة **إجعل ياخالقي العاقبة تزيان*** ياخالق لكوان إنتهت بإذن القدير يوم 05/12/1999 بقلمي المتواضع عبد العزيز شرفوح

بسم الله الرحمن الرحيم السلام عليكم و رحمة الله تعالى و بركاته عنوان القصيدة:/ سلتك ياملحون سلتك هايم متودر يامحلون كي راني حاير لقلب حبس سلتك مادراني راني ممحون بعد ل كان ليا همة و مجلس بعد ل كان نظمي مضمون نجلس آه بيه نفاجي كل حس نجلس في أمري مانيا فرعون مجروح في هاذ دونية نتنفس بربي صابر ولخاطر مشحون كي لمكسور يعاني و يدس ما دراني بلاك خالفنا لقانون و القافية جرة تمشي و تنعس مكسورة لوقفة ماليها موزون ماليها قيمة قولها زيد و بس مادرينا لفن قارين و مقرون حتى في الذوق كثر البأس بلاك لهجتنا هي لي ملعون مانيعروا للمعنى غير ِلبس و تركناها لله خالق الكون عالم الخفيا ولي هي غرس عبدالعزيز قال لي فلمكنون في ليلة رمضان ولحال دمس بلغت أمري حركت لملحون لي ماعرفني ماعرف مايلبس تمت بإذن القدير 11/08/2012 بقلم : عبد العزيز شرفوح

ريت الدعارة سكنت في كل دم **** ريت الدعارة سكنت في كل دم مات الشرف مابقاو بيوت الشرفة لقليل باقى فيهم أرميه لمكانه ثًَم تخلطت ياناس في النسب الكرفة لحرام أصبح شريك للأهل العِلم و المحافظات أنجمعوا في ذِلْكفة مابقى وصل للأصل كانك تفهم فسق ملبوس ليوم في بنات العفة واش تختار خويا في هاذ الهم أصغيرة في لبنات رجعت شارفة عضرة مابقات في أصولها قيم خلوها تعيش حياتها راهي عارفة أجلبت من هوايا قتلت هذ لكضم أحكيت على لواقع في هذ الزعفة أتمنيت ماوفات منياتي ربي يعلم سلكني من الظلام نوره مايخفى عزيز لخالقه في أمره لبد مْسَلَمْ ذا حال القدر حين نقلبت الكفة ماني شيخ في حديثي بيه نتزعم غير هاوي و لهوى كتب ذلوقفة ندعيك ياخالقى أنت داري تَعْلَمْ فرج ذي لحوال و لمعكر يصفى نختم رسالتي نعتذر في هذ الغم المرض عرفناه مالقيناله وصفة بقلم / عبد العزيز شرفوح إنتهت بإذن القدير ليلة  19/12/2013

جد سعيد بتواصلك الجميل و ردك الراقي

بارك الله فيك

عنوان القصيدة:/ حامل اللوم عليك   جالس في مجبد رهنة محتـــــــــوم ***** *****رامي أمحايني نستنا للفــــــــــــــــــــــــرجة بسلاسل أمتينة راني محكــــــــــوم***** ***** كي نعافر خصمي وين الملـــــــــــــــــــجة دواخلي من الهواء راهي مسموم ***** *****لكراب جعلت حجايا مزعـــــــــــــــــــــوجة ساهر و الغرام حرم النــــــــــــوم ***** ***** نصبر في خاطري طول الـــــــــــــــــدوجة نتمنا نلقاه و نقول اليــــــــــــــوم ***** ***** تفرح أكبادي عيد و بهــــــــــــــــــــــــجة نعيا ما نحوس  وين المرقــــــوم ***** ***** آنقطع لياس ثم تعود الضــــــــــــــــــــجة السعد في الدنيا راهو مقســــوم ***** ***** اللي رضاه أيسقم أيامه العـــــــــــــــوجة الحبيب لي مع حبيبه تلقاه منعوم ***** ***** و الدنيا تحلا  في أجاور العلــــــــــــــجة و الي حاله كيف حالي لبدا مغـموم ***** ***** رهقاته لعواصف لطماته مـــــــــــــــوجة الحساس لبدا ياخويا مغــــــــــــروم ***** ***** يزيلف في لوقات فيخبايل النســـــــــــجة ياناس المعنة نعيدلكم المنظـــــــــوم ***** ***** نحكيلكم أحزاني بسباب و حـــــــــــــــجة شربت لمحاين صابر للمعلــــــــــوم ***** ***** طالب القضاء راجيه فالحـــــــــــــاجة كيف يناقر اللي جسمه مسقـــــــــــــوم ***** ***** فاشل من قوايمه طيحاته زلـــــــــــجة تخوض مايا سمايا راهوا مغيــــــــوم ***** ***** و حبي في السعاد ماحب يســـــــــجة خليت الباقي في غمده مغمــــــــــــوم ***** ***** ما دامها لجواش صبحت مزعـــــوجة من ظن الفانيا يخلد فيها و يـــــــــدوم ***** ***** يتفكر أهل اللحاد في دوره يـــــــــرجة أعفيني يالايم لآ زدت اللـــــــــــــــوم ***** *****  التكل على الله و نصيب الفــــــــرجة لكدار مترادفة في صدري مكتوم ***** ***** هامل فالدروب تلفت الخــــــــــــرجة عزيز شرافحي قايل هذ المنظوم ***** ***** من سبت الهلاك راني في حــــرجة بصلاة على النبي نختم المختوم ***** ***** يا سيد الأمة من تبعك راه أنـــــــجة تمت بإذن الله يوم الجمعة 22/10/1999

السلام عليكم و رحمة الله

تحية عطرة لك أختي خيرة على هذه الطلة الجميلة و الرد الأجمل

جزاكم الله كل خير

يالوكان تعرف كلمتك بلا ماتعرفي صوتي فالهاتف **يالوكان تعرف و هدرت بكلام داعب عقلك بالحيرة غيبتي و غيابك أسباب قلب الآهف **يالوكان تعرف دأبي هو لي ناداك حاب معاك هدرة سخف خاطري يتنفس تنفاس الأُف **يالوكان تعرف كاضم شوقي دافنه في غماد صبرة -تشوقت لعيونك في غمرات اللهف **يالوكان تعرف من ثمادك حبيت نكسب ذيك النظرة -ماني طايق للبلا راني حال ساعف **يالوكان تعرف ما طقت للمجابد و نواجه للمعفْرة الراي أبلا بيك صحيح كِ راه تالف **يالوكان تعرف بنيرانك عطشان و نروى مالنظرة خايف من أمري و لحال لي عاكف **يالوكان تعرف صدق المحبة يعذب يشرب المُرَة بقيت نضمد جراح نفاسي نتعطف **يالوكان تعرف كاتم مَابِيَا دافنه فِ رمول لصحرى ليلة حملت رقمك ومسحت الكاشف **يالوكان تعرف و يامحلاه صوت تتغنى بيه القُرَة أجهلتي شكون معاك فهم لوصف **يالوكان تعرف جيني تسلم ماتكفيك هذيك لخزرة عزيز ياعاشقة عليك راه ساخف **يالوكان تعرف تحركت شعور يافاهم كانك تقرى بقلم عبد الضعيف :/ عبد العزيز شرفوح إنتهت ليلة 29/09/2012

الله يبارك فيك خويا محمد

الله يحفظ mca

حْبِيْبَتيِ بَدْرَة     قَطْعَتْ طْرِيقْ لآهْفَة لِلْهَذْرَة نَدَاتْنِيْ بِصُوتْ حْنِينْ يَا فُلآنْ إِسْتَجَبْتَ لِلْمُنَادَى بَدَلْتْ اَلْنَظْرَة وَ نْصِيْبَهَا أْسْبَابْ كِيَةْ لَمْحَانْ هَذِيْ خَلَيْتِيْ وَ سْمَيَتْهَا بَدْرَة زِيْنَة لْهِيْفَة تَنْزَعْ لَغْبَانْ تْسَالَمْنَا  شُوُقْ قُدَامْ اَلْعَابْرَة وَحْدِثْنَا سُؤآلْ جْوَابْ أَمْعَانْ قَالَت لِيْ مِنَكْ مَاصْبَرْتْ صَبْرَا صُوٍْتَكْ يَا حْبِيْبِيْ عَاشْرَ فِيْ لَذْهَانْ خُفْتْ خَطْفَاتَكْ مِنِيْ أْخْرَىْ وَ نْعُودْ أْحْزِيْنَة دَمْعَة وَ أَحْزَانْ جَاوَبْتهَا وَالله أَعْلِيْكْ أُخْسَارَة شَكِيْتِيْ فِيَا وَ مَا عَنْدَكْ بُرْهَانْ تَعَرْفِيْ  مِنْ غِيْرَكْ مَاتَغْوِنِيْ أَمْرَا قَانَعْ مِنْ قَلْبِيْ مَا نْدِيْرْهُمَ فِيْ اَلْحُسْبَانْ قَالَتْ لِيْ أَسْمَحْلِيْ مُجَرَدْ غِيْرَة نَعَرْفَكْ أْفْطِيْنْ فِيْ صْحِيْحَة لَمْكَانْ نَعَرْفَكْ أْفْطِيْنْ أْدَايْهَا نُعْرَة نَعَرْفَكْ مَثَقَفْ مَوْهُوبْ وَ فَنَانْ صَاحِبْ  جُمْلْ ثْقِيْلْ اَلْسِيْرَة هْوَاكْ دْوَاءْ يَبْرِيْ اَلْعَيَانْ قُلْتَلْهَا جَامِلْتِيْ كْثِيْرْ يَا مْرَاْ مَعْطُوبْ اَلْحُبْ يَوَلِيْ هَذْيَانْ نَارْ فِيْ دْوَاخْلِيْ شَاعْلَة جَمْرَة وَصِيْفَتْ اَلْوَجُوهْ تَذْهَبْ وَ تَشْيَانْ لَكْدَارْ كِيْ اَلْسَفِيْنة فَلْيَمْ تَسْرَى بَمْحَايَنْ أمْعَمَدَة تَهْلَكْ الأَبْدَانْ َياك ُبعدَ لْحَبِيْبْ دُنْيَا مْعَكْرَا كِيْ لْمَجْرُوحْ يَرْدِيْ هَارَبْ مَطُوفَانْ مُحَالْ لاَ يَهْرُبْ مُحَالْ لاَ يَبْرَا وَمُحَالْ لا يَهْنَا لَبْدَا حَيْرَانْ نَهْدِيْكْ قَصْتِيْ أَمْعَاكْ أمْعَبْرَا رَاهْ اَلْقَلْبْ مَنَكْ فَشْلآنْ بقلم :/  عبد العزيز شرفوح  جانفي 1999

باغي نشوفها باغي لهيه لرسامها نلجة لعين الدفلى معول ياصاحبي رحال باغي نشوفها خاطري يتفاجى نهنى من هذا الهم المشغال يالوكان أتشوفها متأكد ماتنجى و تعرف واش كسبت الرجال مهدورها سارقه الريح يتناجى كي الحمام الطاير في فجر الحال حاجب سطور هيجني هيجى و لشفار النايمين تخوض لعقال لحادب سود حر ماهو ممزوجى من سبتهم راني سهران الليال ذلرمان بان طيابه و سجى المبسم فيه راحتي في البال الجيد بالتبر الصافي موهجى ما بين أنهود طايح أوصال هذي محنتي أبلايا علجة أضنين القلب أعليه أنسال واش أنعيد و سبابي زلجة ف ضميري غيضة سباب هوال هامل فالدروب تلفت الخرجة و نسال السابقين كيف الحال كيدي كياد طيحتي من الدرجة صابر لقضاء ربي و مزآل رق ملثماد قابضتني نهجة و أهزيل لبدان مايعافر لجبال لسقام لطمت وجهي بعجاجة و أنفضحوا مرادم مدسوس لدخال كي راني نعاني دمرتني موجى الي كان أمرتب أرجع في تخبــال أعييت ما نكابر و نفاسي مزعوجة لماضي يقابل لحاضر حكاية شحال تظهر صورة في وقت الدجى لهيفة صافيا منقوشة في الخيال إيه ضاع خيط لمحبة من نسجة هجرت لخاطر و ذهلوني لرسال قالوا ياشيخ عندك ما ترجى لغرام صعيب يأياموا بدال مالصحرى يوريك طرقان معرجة بمجابد هالكة أحمالها ثقبال كان حماك يسقم حوال لعوجة يسهل الصاعبة في شاو الحال و أنا دواخلي منه راهي مرهوجة و هلكني ياصاحبي راني فالمحال عبد العزيز لقضاء ربي يرجى داير تكلوا لله لكريم عز الجلال نختم بالصلاة على عالي الدرجة أشفيعنا يامومنين في نهار الهوال عبد العزيز شرفوح 07/11/1998

ياملحــــــــــون بسمك يالله نذكر بلا حساب قرآن نصر في ذيك القريبة أذكر و الذكر يفتح كل باب في عظمة الله ما تلقا خيبة أدعي ربي دعوتك  مجاب سبحانوا بيه تهون كل صعيبة العزيز يارب حكيم ياوهاب القوي المتين عظيم الهيبة أصلاة على النبي عزيز لحباب زهو خاطري طلبته بطليبة عييت ما نخمم مالقيت صواب شارد لفكار راهوا في غيبة تخوض مايا في سماه أسحاب بحري تهلك عواصفه أغريبة موج ضارب أسفايني في لجناب بخلاوة لمكان مافيها طيبة غير معاك جالس في ذو لرحاب خليها ياملعون كي جات عطيبة غير معاك لخاطر الي يرطاب و الي جات من عند الله أكتيبة واش نظمي من شيوخ أركــاب غواصيين بحور لناس أخطيبة تنظر فالخزرة يعطيك أجواب سلطانه سلطان ماتخوفه أنشيبة و شفنا في ناس هيئة و إعجاب جبال بلا صخور كثبان كثيبة وقتنا رانا في نقطة إستعجاب  ونشوة القهوة ناسبت الريبة نستعذر سامعيين رواد و طلاب عذروني ياملاح جوارحي أعطيبة عبد العزيز هاوي ليكم راه جاب طليعة لمعان وآه تمعان هديبة هموم قلبي راهي قاست لعذاب ساكني بركان لاهب ناره لهيبة يستحسن ل تواضع في حق الآدب و الي تاه يعلم بايامه دور صعيبة عبد العزيز شرفوح 1997

عكفت ليام وآه إنقلبت الكفة بقيت وحدي تحتمت الضروف سطعت شمسوا الي كان أخفى جحدا غرام قلبي منه ملهوف واش يعمل لي ما عندوا عرفة جاهل فالمعارك زادم مكفوف محال خصمه يضربه فالكفة مايضمه لصدره مايعطيه معروف      غلباته أجراحه كيف داته السخفة    يكون فارس أقبال الشـوف صوبت لسهام ماترجع للخلفة و ماينفع الندم كي تقوم السيوف نستعذركم ياجواد في ذلوقفة نستعذركم ياكرام في هذ لحروف أسبابي أحجايا ماحيا و ما توفة منعوش في التياه عقلي مخطوف ليعتي في جدي الصيني ذي هيفة زينة مكمولة البهى موصوف علاه ياريم بيك هكذا بالحسفة من بعد المحبة ياه وليت معيوف هكذا عافني قلبك و مني أجفى خيليتي لخاطر بسبابك لبدا مشغوف أقراي النظام كانك تفهمي الصيفة من فحو المعاني لحن المعزوف لرقاق  صحيح عندهم وصفة و دواهم باين كي نهار المكشوف طال فراقنا و أسبابوا زعفة و نار لشواق لاهبة في الجــوف تخوض مايا حين ضحكت لكرفة و بقيت غتبة في وسط أصفوف عزيز ماهو متربي على نفاق وهفة الحمد لله مابين الناس معروف إنتهت 23/12/2000 عبد العزيز شرفوح