آلسلام عليكم ورحمة الله ة بركآآته هلآ بالغلآ مسآكم خير و هنآآء لأحلى مشرفين و مشرفآآت و أعضآآء و عضوآآت منتدآآنآ الغآآلي كيفكم ان شآء الله بألف خير و كله تمآآم اليوم جبت معي وصفةة حلووياات للغالية اسووووم اسفة حنونتي كنت مشغوولة كثير و تاخرت عليك بوصفةة المقروظ الخاص بالشرق و ان شاء الله تعجبك طريقتي اتفضلووووو معي و تآآبعوني المقآدير  انا استعملت غرفية كبيرة تاع الجاري للكيل و الزبدة نحط 250 غ و الباقي سمن اما الغرس يرفد حوالي 3 كيلو غرس +ماء الزهر+2 كيلات سميد+كيلة زبدة و سمن+  ملح وماء التحضير نفرغ السميد في القصعة بعد ما نكون غربلته و اخذت الكيل نذوب الزبدة و نكيلها تاني كما هو مبين     نفرغ الدهان على السميد و نخلط مليح و نبقى نفرك بين الايدي لمدة طويلة بحركة دائرية حتى يصير الخليط الطري بزاااااف و خفيف و كانك ضفتي الماء و حتى تعرفي انه الخليط صار جاهز خذي كمية من الخليط كوريها بيدك غير شوية برك تلقايها تجمعت بسرعة اقذفيها في الهواء  و خليها تسقط متل ما في الصورة اذا بقات الكرة متل ماهي و ماتشقت او انفتحت اعرفي انه العجين صار جاهز   نجمع العجين بجهة نضيف شوية ملح و نبل بالماء و نلم فقط من غير ما نعجن و يلزم نحصل على عجين طري نخليه يرتاح و نروح نحضر الغرس نجيب كمية من الغرس (التمر او الدقلة) بعدما نقيه نمرره بماكنة فرم اللحم حتى يسهل عليا انه طريه افضل من اني نعجنه بايدي  و راح ناخذ كمية صغيرة من الغرس نزيدلها بشوية ماء الزهر و ندلك حتى تطرا و تصير لينة و نبقى حتى نكمل كل الكمية من بعد نزيدله مغرف سمن و نخلط كل الغرس مع بعض مليح و راح يكون طري بزاااف مرات نرفده بالمغرف هكذا يعطيني قواام طري للمقروض و ما يكون يابس   بعدما ارتاح العجينة ناخذ كمية منها و نفتحه بهاد الشكل اذا يبست العجينة يعني السميد اتشرب ضيفي الماء بشوية و خلطي من غير ما تعجيني  و يلزم  العجين يكون طري ايضا  حتى تقدري تعملي حربوش و يسهل عليه ترولي العجين لكن  انتبهي انه الغرس يكون اكثر طراوى  من بعد  نحط في وسطه الغرس و لاحظي طراوته و نغلق عليه مليح متل ما في الصورة   اهم مرحلة في المقروض انه تعرفي ترولي العجين من غير ما يطلع الغرس و هادي تعتمد على الخبرة و مع الوقت راح تكسبيها نكمل كل العجين باللف انا حصلت على 4 لفات كبار و كل لفة قسمتها على 3 و راح اعمل بالو لفة خدمتها لانها راتاحت اكثر حتى تسهل عليا العمل   ناخذ لفة صغيرة و نزيد نعملها حربوش صغير انت و حجم الحبة اللي تعمليها ناخذ طابع المقروض و نضغط بشوية حتى ينطبع الشكل ثم ناخذ موس و نقطع الحبات و نزيد نمروره من الاسفل حتى يسهل عليا انه نرفد الحبات من غير ما يلصق على طاولة العمل و مرة على مرة نمسح المكان بفوطة و نكمل بالباقي       و هادي حبة المقروظ صارت جاهزة نرصها في البلاطو بحيث يكونو الحبات متلاصقين حتى ما يحترقو و جهة العجين تلامس العجين و جهة الغرس تلامس الغرس و نرشقها في الوسط بحبة القرنفل و ندخلو للفرن على نار قوية و هذا مقروظنا صار جاهز و يلزم يطيب اصفر مش احمر     ملاحظة : حتى تنجحي في المقروظ يلزم تنتبهي 3 اشياء مهمة جدا 1/ انك تحكي (تفركي) العجين مليح و يكون طري 2/ الغرس يكون طري بزااااف 3/ انك تعرفي تلفي (ترولي) احنا نقوله تُبْرمِي العجين من غير ما يخرج منه الغرس او تتفتح اللفة هههههههههههه شكون الشاطرة اللي تجربه لانه طريقتي صعيبة لكن النتيجة خيالية طروى لا تضاهى و كل ما قعد يزيد يطرى اكثر و اكثر و لاي استفسار انا جاهزة شهية طيبة للجميع   انتظروني مع وصفآآت اخرى من حصريآت نسآئم الورد الجوري تحيآآتي للجميع