فالخارج عندنا عدة لآعبين !!

فكل أنحاء العالم محترفين !!

شي ففرنسا شي فتركيا شي فهولاندا غي مشتتين !!

برادة زكرياء البيض عندهم لعب زوين !!

تاعرابت وبلهندة كايلعبو مزيان ضد فراقي واعرين !!

بنعطية فالطاليان ديما متصدر العناويين !!

ولكن من يجيو للمنتخب يخسرو غي مع السودان وبينين !!

علاش كاتجيبو مدرب أجنبي وتعطيوه الملايين ؟ !!

واش فالمغرب ماكينينيش المدريبين !!

شكون لي طلعنا للفينال ديال كأس إفريقيا بلاعبين ڭاع مامعروفين !!

وباركة من الشفرة يآآآ هاد المسؤولين !!

رانا صبرنا عليك شهور وسينين !!

قتلتونا بالشفوي وتخراج العينين !!

ودابا ريحتكم عطات بحال قشور السردين !!

راه المشجع المغربي شحال مافرح مسكين !!

واش بغيتونا العام لي جا نبقاو نشوفو بعينينا وساكتين !!

رانا ملينا من السكات ومن جملة العام زوين !!

بنادم مايعرف كورة من التنس ودايرينو وزير بحال اسي أوزين !!

أنا قلت كلامي ونتمنا الميساج يوصل والله معين !!

و في إطار القيل و القال جا واحد بوقال كاعي و ماعجبو حال :

المنتخب تأهل و تزمبق و أسد الأطلس                من أجل الوطن لعب و نافق فأخفق

و أسد الأطلس من أجل 20 مليون راوغ فتألق           و المدرب إلى السماء صعد و حلق

و عضو الجامعة افتخر و تشدق و لقد                 تعلق أين يتفلق و أحدهم عبر و تملق

فتخربق الشعب الساذج خرج إلى الشوارع           ليترنق فركض و قفز و تزحلق ثم انحرف فتزندق

بالنيران و الأحجار يتراشق كالذي يهجوه جرير أو الفرزدق                    فرحين بالتأهيل في اللهو و اللعب و التألق

و ناسين الأزمة التي هي أدق و أعمق                 فلا أظن أننا خارجون من هذا الخندق

فنحن فعلا يا إخوة في أشد مأزق !!!!

و أخيرا و ليس أخرا نختموا بواحد الإنسان كلامو شويا معقول و يقدر يجانب الصواب :

اش غادي يدير المنتخب فالأدغال !!
اش غادي يدير القديوي مع هادوك الجمال !!
الناس يلعبو كورة وهو يضربو كي البغال !!
حنا قلال الصحة وهوما كي الغوال !!
بلهندة وبنعطية مشغولين البال !!
هوما فجنوب افريقيا وعقلهم مع الإنتقال !!
واش غادي يخرجو من الدور الأول ولا يوصلو للفينال !!
ونديرو ليهم احسن استقبال !!
كيف جيل 2004 المختاري الزاييري وطلال !!
ولا جيل 86 لي كانو مقاتلين ورجال !!
ماكانت تقد عليهم لا كاميرون لا سنغال !!
وفكاس العالم سلخنا فرق كبيرة كالبرتغال !!
ماشي بحال دابا من كثرو التيرانات والأموال !!
ملعب مراكش وطنجة وملعب أڭادير فيه الأشغال !!
ولينا واحلين مع اثيوبيا والمزمبيق والصومال !!
كلشي كايقول انا مغربي ولكن لي موتو على التريكو قلال !!
بلهندة عقلو طايش والشماخ وتاعرابت عاطينها للهبال !!
الحمداوي مرة يتألق مرة لا حال وأحوال !!
يا الفاسي خلي عليك كورة وسير تبيع لكبال !!
راه الماء والضو وكورة ماشي بحال بحال !!
باركة من الشفرة وباركة من الإستغلال !!
المتتخب راه ديال ولاد الشعب ماشي غي ديال رجال الأعمال !!
بسبابك الكرة المغربية ضرب جد بوها زلزال !!
شحال خسرنا من موهبة بسبب الإهمال !!
هذا مشا للنرويج وهذاك السويد حيت مابقا آمال !!
واخا راني متأكد اننا موحال واش نتألقو موحال !!
ندعي مع ولاد بلادي ونتمنى يكونو رجال !!
والهضرة لي قالو هاد الأيام تترجم إلى افعال !!
ونجيبو الكاس أو إن شاء الله نوصلو للفينال !!