لكن ما رأي مهللنا في الموضوع
س : كيفاش كتشوف السي المهلل هدا القضية ؟
السيد المهلل الكروي : وفي الحقيقة استناد للخبرة لي عندي في مجال التهلال والتحليل الفلسفي المبني على توقعات الأبراج الفلكية الصينية وعلى ما أظن السيد الطاوسي غاوي اعلام وغاوي كاميرات
س : ممكن تزيد توضح لينا أكثر هدا القضية ؟
السيد المهلل الكروي : وكنشوف بلي كل شيء واضح السي الطاوسي فرحان براسو وعاجبو راسو وكيبغي يبان ويستغل هدا الظرفية مزيان باش يبين المهارات ديالو أمام الكاميرا ويستعرض القدرات ديالو وتحية ليه من هدا المنبر حيث عاجبني هدا ليامات كيمشط شعرو بحال داكشي ديال أنطونيو لي مثل في بلابلابلابلا
س : واخا مافهمنا والو منك تقدر توضح لينا الفرق لي بينو وبين المدربين لي سبقوه
السيد المهلل الكروي : الفرق واضح فمن وجهة النظر ديال الشخصية والتوقع ديالي والتكهن ديال لي قليل فاش كيكون غلاط كنظن بلي السيد الطاوسي كيعمر السيفي ديالو باش من بعد الكان غادي يستعرض الانجازات ديالو وغادي يعلن بشكل رسمي وأمام الملأ أنه كان أول مدرب في تاريخ المستديرة عندو علاقة جيدة مع الاعلام الوطني المحلي ..
س : كنتمنى منك سيدي المهلل تهدر معانا بشوية ديال الواقعية وفي اطار نفس الموضوع شنو رأيك في كلام بعض الصحفيين حول أن السيد الطاوسي راجل طيب ومعقول وكيتعامل مع الاعلام كما هو واجب على كل مدرب
السيد المهلل الكروي : الرأي ديالي هو نفسو السي الطاوسي كيشري رقبتو بنفسو وأنه كيستنى رد الجميل من الاعلام المغربي في حالة الاخفاق لكن الخبرة ديالي الطويلة في الميادين ديال الريكبي كتخليني ننصحو بأنه ينسى هدا الفكرة حيث عطى الله صحاب دوبل فيزاج فهاد لبلاد وايلا قدر الله وطاح الجناوة دايرين بوز في السما وغادي يطيحو وحتى الصحفيين ير كيجاملوه ويشريو العرف معاه فهمتني كيفاش بلا منقرقش كثيرا في هدا السوجي
س : مع كامل الاحترامات لكن كلامك كلو خوروطو ولكن رغم دلك ما رأيك في الناس لي كيتشائمو من كثرة الظهور الاعلامي ديالو
السيد المهلل الكروي : أنا بالذات ضد هدا القضية حنا من كترث ما كثرو الاخفاقات علينا ولينا غير كنخبزو في الأسباب مرة العين والتقواص مرة الزهر مرة الشماخ مكانش مجلل مرة لمياغري مبصقش في ليكات ديالو قبل ما يدخل للماتش رسالتي لهؤلاء لي عندو عندو وسيرو قوصو على ميسي ؟؟؟
س : نفهمو من هدا الكلام أنهم غير كيتوهمو وكيستببو ؟
السيد المهلل الكروي : بطبيعة الحال الواحد ملي مكيوصلش للعنب كيقول حامض كيما قلت لي عندو عندو بلا داكشي ديال خورطو وداديدا .. وديك القضية ديال الاعلام شوش ولا ماشوش وديك الهضرة ديال حنا طلعنالهم الشان أنا ضد هاد التخربيق والموزمبيق المدرب هو لي مسؤول على المعسكر المغربي وايلا ما درنا تاوزة راه هو لي فشل في السيطرة عليهم وخا يكون نابغة في الجانب الفني والتقني ومن هدا المنبر حنا مع ليون داطلاس ولمفيد يدوزو دوزيام تور من غير هادي كنقترح باش يرجعوني أنا مدرب حيث جات نوبتي فاش نجمع الصرف حتى أنا ..
همسة (كيجاكوم الطاوسي والحطة
)

سالينا ..