خلاصة فكرتي بخصوص مشجعي الشباب إننا عارفين فائدة جهاز أشبال المريخ والعمل القام بيهو والنجوم الجهزهم لي الفريق الأول على مدى أجيال والقدموهو للكرة السودانية
عشان كدا فكرتي إنو جهاز الشباب في النادي ما عندو نافذة على الإعلام إنو نكون النافذة الحتعكس العمل الكبير دا عن طريق الآتي :
1- تغطية نشاط فريق الشباب التمارين والمباريات وأخبار التسجيلات والجهاز الفني وكل ما يستجد على الفريق حتى يتمكن الجميع من متابعة نشاط الشباب
2- الحافز المادي لرفع كفاء أداء اللاعبين بهدية بسيطة تقدم للاعب الأبرز في مباريات الشباب في فريق شباب المريخ بالإضافة لأحسن لاعب سلوكا وأخلاق وإنضباط في التمارين ودي ممكن تكون أثناء التمارين وبرضو الناجح أكاديمياً حنديهو هدية بسيطة عشان ما يهمل في دراستو
3 - بعد كدا هنشوف قدرتنا وإسهامنا أذا وفقنا في إننا نغطي النقطة الأولى والثانية بصورة مميزة حنفكر نخش على المساهمات القوية وعلى حسب حوجة جهاز الشباب
إذا محتاجين مساهمة في الترحيل وفي الحافز بتاع المباريات في تجهيز إحتياجاتهم وإن شاء الله الغرض يكون مقضي
حيتم العمل عن طريق فريق من صحيفة المريخ بالإتصال بالأخوة في قطاع الشباب والجهاز الفني ليه الإختيار الأساسي للاعب الأبرز واللاعب الخلوق والمنضبط والخ
دي الفكرة الأساسية الكانت عندي ودي بداية وممكن لقدام نمشي خطوة بخطوة