الـسـلام عـلـيـكـم ورحـمـة الـلـه وبـركـاتـه

اهلا بكل رواد منتدى دردشة وفرفشة .. إحم

حبيت اليوم انو اكتب موضوع خطر ببالي ..

هو مش موضوع مضحك وفرفشة اه بس عنجد بتمنى انو يفيد كثير أعضاء

خاصة الجدد ..

راح أحكي عن كثير أشياء ..

 يعني لازم انت وانت تقرأ تطول بالك وتقرأ الموضوع للآخر .. هع

حابة أحكي عن المخالفات اللي في المنتدى ..

اللي بتتكرر وبتتكرر مليون مرة مع إنو كثير الإشراف والأعضاء نبهوا وحذروا منها ..

لكن في أعضاء جدد او حتى اللي مش جدد بردو بيخالفوا ..

وهاد بسبب إنو ما قرأوا القوانين .. او قرأوها بس مش كلها ..

وعنجد يعني خاصة لما شفت هاد الشهر ما كان في اشراف ..

الكل عندو ظروف .. وإحنا لازم نساعد في المنتدى ..

عشان المنتدى يضله من أحسن المنتديات ..

للأسف كثرت المخالفات .. من مواضيع .. ومن ردود ..

وهاد كلو بيخلي المنتدى يرجع لورا .. وبيسمحلو انو ما يتقدم ..

حتى الأعضاء الجدد اللي ما بيعرفوا قوانين المنتدى ..

بنحكي الهم لا تترددوا في انو ترسلوا رسالة لمشرفي المنتدى او لاي عضو

بفريق العمل .. او اي عضو عنده خبره بالمنتدى .. 

انو يساعدكم في معرفة القوانين ..

صح الواحد بيغلط مرة اتنين ثلاثة ..

عادي ما في اي حد معصوم عن الخطأ ..

لكن مع تكرار الأخطاء ..

 والأخطاء حتى اللي تم التحذير منها من قبل الإشراف

 ومن قبل الأعضاء .. هيك بيصير مشاكل كثير بالمنتدى ..

يعني مخالفات ورا مخالفات ورا مخالفات ..

 وكلو من ورا انو العضو ما قرأ القوانين ..

ولا عارف شو هي قوانين المنتدى .. كل منتدى بيختلف عن التاني ..

يعني مثلا منتدى النقاش الجاد بيختلف كثير عن منتدى الدردشة والفرفشة ..

يمكن تلاقي عضو جديد لسه ..

 ما بيقدر يفرِّق بين منتدى النقاش ومنتدى الدردشة ..

 هاد بسبب انو عضو جديد ولسه ما قرأ القوانين ..

بس لو يقرأها .. راح يصير مثله مثل أي عضو قديم وله خبره في المنتدى ..

والله انا كتبت الموضوع من اللي شفته هاد الشهر ..

عنجد يعني صح كان المنتدى منيح بالنسبة انو نصف المشرفين كانوا غائبين ..

بس لما يكون هيك الشهر اللي فات .. مش معناه يضلو هيك هادا الشهر ..

بتمنى انو نساعد المنتدى .. بالتخفيف من المخالفات ..

بتمنى من أي عضو جديد أو قديم مش قارئ قوانين المنتدى إنو يقرأها ..

هادا ليش العضو بيزعل لما ياخد رقابة ..

الاشراف ما بيعطوا رقابة لانك مش عاجبهم ولا هيك جاي ع بالهم يعطوك

 رقابة ..

 ابدا بالعكس .. بيعطوك الرقابة عشان ينبهوك للخطأ وللمخالفة اللي عملتها ..

وهم بيكونوا محذرينك كثير قبل الرقابة ..

عشان هيك أكيد ما حدا نفسو ياخد رقابة

 واللي ما بدو ياخد رقابة لازم يعرف قوانين المنتدى منيح ، ..

عشان ما يعمل مخالفات ..

هع بعرف إنو الشهر الجاي في رمضان والاشراف بدهم يزيلوا الرقابة عن

 الاعضاء ..

بس هاد ما بيمنع انو يرجعوا يحطوها ..

وفي كمان مرات عضو ما بيكون عارف شو هي قوانين المنتدى ..

 بيحط موضوع جميل جدا زي خاطرة او موضوع حلو للنقاش ..

وبيكون مبسوط هادا العضو لانو واثق من انو موضوعه جميل جدا ،

والكل راح يدخل ويقرأه ويرد عليه ..

لكن بيتفاجأ بعد عدة دقائق إنو موضوعه إنقفل ومكتوب الو انو موضوعه

 مخالف ..

 عنجد يعني شو بدها تكون ردة فعله أكيد بيزعل ..

وهاد بسبب إنو حط موضوع مخالف للدردشة ..

وبيكون بيناسب منتدى آخر ..

او مثلا موضوع يكون بيناسب الدردشة لكن مكرر كثير ..

 ف العضو بيحط الموضوع وهو واثق من نفسو انو الموضوع حلو

وبيناسب الدردشة ..

 لكن بيستنى وبيستنى وما حدا بيرد على موضوعه ..

وهاد بسبب انو الموضوع كثير تكرر والاعضاء زهقوه ..

عشان هيك ما حدا في المنتدى بيحب انو ينكسف بلهجتنا او انو ما حد يعبره في

 المنتدى .. يعني مبين من اسم المنتدى انو منتدى ضحك وفرفشة ..