لأول مرة ستنوب الصورة عن الحروف في سلسلة كلام الليل،

لأول مرة سأترككم مع الصور تحدثكم عن أشياء رائعة حدثت في مكناس،

لكن بين الصورة و الصورة سأترك العنان للقلم كي يسجل شهادات في بعض

الأعضاء ممن التقيناهم في هذه المدينة الساحرة، و البداية مع :

المكناسي الرجاوي

انسان ظريف الله يعمر ليه الدار، كيعرف يقول غير آه، وكون ما التشهد ما تسمعش

 منو كلمة لا ،تهلا فينا بزاف ، و دارهم يستاهلوا شي دعوة صادقة بالخير،

نهديو ليه هاذ الصورة

الامبراطور المكناسي

السي عثمان ،صاحب الابتسامة البريئة، الانسان الخدومن اللي كيبين ليك

ان الكائنات الظريفة باقية ما انقرضاتش و لله الحمد، الله يطول عمرو،

و يوفقوا يا رب، و نهديو ليه هاذ الصورة

المعلم علي الصباغ

تبارك الله عليه و على أخلاقو العالية، انسان فنان د بصح، ما تسمعش منو كلمة

ديال العيب، انسان متزن و محبوب عند كلشي، اي انسان يتشرف بمعرفتو.

الراجا الفراجا

انسان خدوم، و ديال العشرة، نشيط و كيتفاهم مع الناس بسرعة كبيرة،

بذل مجهود كبير في التنظيم، هذا تعول عليه في المهمات الصعبة.

الإمبراطور الودادي

ما عمرني تخيلتو هكذا، عفريت يمشي على قدمين، ها هو ف السما ها ف الارض،

عندو التصوير من كاع الزوايا، حتى حاجة ما فوتها، لكن أحسن لقطة فلتت لينا،

هي اللقطة ديال الاتصال الهاتفي ف دار جمال، المهم الاخبار ف راسك يا زكرياء

كنهدي هاذ الصورة لهاذ الثلاثي الجميل.

محمودينهو

نحلة المنتدى،كيطير من فرط النشاط، هذا راه جن مصور ما كينعسش،

فيقنا مع الستة ديال الصباح، مع محمود لا يمكن تغمض عينيك،

احسن حاجة فيه انه تلقائي و فين ما حطيتيه يخدم  

ابو ايمان

تفاجأت بهاذ السيد، حيت واخا ف سن الاباء ديالنا راه متواضع، و ظريف،

التعامل ديالو مع جميع الاعضاء ممتاز، و ضرب تمارة كبيرة باش ينجح الملتقى،

الله يطول عمرو، و كنهدي ليه و لمحمود هاذ الصورة.

ودادي عربي

هذا هو الفتى الشجاع، هذا خاصو يمشي للعراق، حيت عندو القنابل غير كتطير،

السيد جاب 20 ف العربية و ما كيخافش، بدليل أنه كرم و لصق ف محمود فاش

 نبح علينا كانيش صغيور  واخا هكذاك راه ظريف بزاف و راجل،

نتمنى ليه النجاح يا رب.

حمزة ياسف

البوليسي ، كان حاكر على ودادي عربي، و ديما كيتعدا عليه و انا شاهد

عندو تدخلات خطيرة سواء في الملعب، او خارجه، نخليكم مع الصورة

هذا ما يمكن ليا نقول، و نهديه هاذ الصورة

كيقول ليه : باركا عليك، راه الرصيد مشا، ظريف مسكين ههههه

هذا هو نموذج الجمهور الذواق لكرة القدم، تبارك الله عليك اخويا عزيز

تحياتي ليه و كنهدي لهاذ المجموعة هاذ الصورة.

  كوديمي هذا هو اللي كان سبب التقاء 150 عضو في مدينة وحدة، و هو اللي تحمل  النصيب الاوفر ف سبيل انجاح هاذ التظاهرة، كلشي كيعرف قيمتو، و طيبة قلبون الله ينصرو يا رب، ويجازيه على عملو، و كيف العادة الكاميرا شدات ليه واحد اللقطة لرفقة العضو شعبي العزيز.   المشرف ياسر صورتو بعيدة كل البعد عن الصورة اللي كنت راسم ليه، كنت كنتخيلو بموسطاش كبير وما كيعرفش يضحكن الساعة لقيتو محترف ف الدعابة، خاص غير اللي يجبدو، اهداني الميدالية ديالو ف حركة عاية ف الادب ما عمرني ننساها، الكاميرا شدات ليه واحد اللقطة عجيبة رفقة العضو الرائع عبداللطيف اللي كنهدي ليه اجمل تحية و سلام، نخليكم مع اللقطة.
  الكلام طويل، و ما نقدرش نوفي كل الاعضاء حقهم، لانهم يستاهلو كل خير غادي نختم بهاذ اللقطات اللي كنتمنى تنال اعجابكم و السلام عليكم و رحمة الله
        في أمان الله يا أحباب تـــحياتـــــــي للــــــــــــجميــــــع