السلام عليكم ورحمة الله وبركاته ... اخوتي احبتي 

اتمنى ان تعجبكم ..

شفت بعيوني مدامع اسألتهن

وعبن بيهن مواجع جاوبني

جبت طاري اشتياقي غافلتهن

عله فراك الحبايب عاتبني

اسولف كل ذكرياتي سكتتهن

كبر بيهن الاشتياق وشوقني

وانه بحزني اكابر ما عفتهن

علت صرخة حزنهن ضعفني

بجفوني زرع الصبر طوقتهن

طفحن حاجز رمشهن غافلني

بسكوت النوح يكفي طالبتهن

بقلبي جروح نامن عاونني

رفعت ايدي لخدودي امسحتهن

حضنن ايدي وخدودي يبوسني

وعله واهس هالمشاعراتركتهن

فزعن جروحي مني وجفلني

جروح ماضي عكب ما خيطتهن

اشل وبيدي نزفهن غركني

دمس بدموعي ممالح طعمتهن

شكن زيج الخياط وشابكني

درت حيل الصبر كله هاجمتهن

بلا جدوى بكل الم قاومني

شفت يمي العواطف شاورتهن

احس حت العواطف تاهمني

من عروك كَلبي نتل اشلعتهن

بجذور افكاري سبحن خبلني

دمع وجروح واحزان الطلكتهن

التمن علي بحيلي وسممني

وسلامتكم .. بقلمي اخوكم محمد العنزي ........ بتاريخ 11-1-2019