إقتباس لمشاركة:	@محمد لخنيفري	08:24 - 2025/07/15
غانم سايس تعافى من اصابته التي ابعدته عن الميادين لمدة طويلة ، وهو الآن عاد إلى التداريب من ثلاثة أسابيع، وهو يواصل تداريب بانتظام ،وقال انه سيعمل كل ما في جهده لاستعادة كل إمكانياته البدنية والتقنية ليكون جاهزا بالعودة الى المنتخب الذي غبت عنه منذ مدة طويلة لمساعد زملائي في المنتخب ،،،،اوا اسيدي عودة ميمونة والله ولي التوفيق

حاليا ماسينا هو الخيار الافضل

سايس كان ثقيل و مستواه ناقص هادشي في كاس افريقيا قبل مايتصاب

خاصنا قلب دفاع يكون سريع و إلا غادي نلقاو صعوبات مع المنتخبات اللي عندهم مهاجمين سراع

بحال كيما وقعت لينا مع زامبيا في اكادير

إقتباس لمشاركة:	@Gonzalo87	17:20 - 2025/07/15
الزليج الاندلسي ------------ اخي السلاوي المحترم الحجوي و كاع هادوك اللي في اليوتوب راه تعلمو منا هنا في كورة مغربية سايس حكمنا عليه بعد مشاهدة مستواه في المباريات السابقة مع المنتخب السيد بان ناقص و ولى ثقيل بزاف و كنعقل تعرض لانتقادات كثيرة هنا و هناك من وصفه بالعجوز و هناك من طالبه بالاعتزال

بان ضعيف بسبب قراراته الخاطئة بحال منين بغا يدير التسلل و خرج بلا عقل 

اما الى رجع للتنافسية را افضل من الترقاع لي دار الركراكي 

سايس كيبقى مدافع جيد خاصو فير يرجع يلعب باستمرار 

اما ثقل الحركة را كما قلت اغلب مدافغي الكرة ثقال

إقتباس لمشاركة:	@Edelstahl	17:17 - 2025/07/15
ادام ازنو مابغاش امشي لخيطافي من بعد ما دخلات بيتيس اشبيلية على الخط، لحد الان مدير اعماله ماعارفش واش امشي اعارة ولا بيع العقد

بتيس مزيانة ليه و مزيانة حتى للمنتخب

لان بتيس ماعندهاش ظهير ايسر في المستوى

ثم الزلزولي غادي يلعب قدامو باش ينسجم معاه قي حالة الركراكي  عطاه الفرصة يلعب

اما قضية اعارة او بيع 

يمشي بيع افضل له ماعندو مايدير في البايرن لان كومباني مطول تماك على ما اظن 

إقتباس لمشاركة:	@الزليج الاندلسي	18:12 - 2025/07/15
إقتباس لمشاركة:  @Gonzalo87 17:20 - 2025/07/15   بان ضعيف بسبب قراراته الخاطئة بحال منين بغا يدير التسلل و خرج بلا عقل

واش كتهضر على هدف جنوب افريقيا الاول ؟؟

قراره كان صحيح

راه مزراوي اللي بقا ساهي و مجمد بلاصتو اللي كان مفروض عليه يكون مقاد مع خط الدفاع

و اصلا داك الهدف راني حللتو بالتفصيل بالصور

إيلا كان سايس بلا عقل اشنو تقول على اكرد و املاح اللي كيتحملو المسؤولية ديال داك الهدف

إقتباس لمشاركة:	@Gonzalo87	18:36 - 2025/07/15
إقتباس لمشاركة:  @الزليج الاندلسي 18:12 - 2025/07/15   إقتباس لمشاركة:  @Gonzalo87 17:20 - 2025/07/15   بان ضعيف بسبب قراراته الخاطئة بحال منين بغا يدير التسلل و خرج بلا عقل  واش كتهضر على هدف جنوب افريقيا الاول ؟؟ قراره كان صحيح راه مزراوي اللي بقا ساهي و مجمد بلاصتو اللي كان مفروض عليه يكون مقاد مع خط الدفاع و اصلا داك الهدف راني حللتو بالتفصيل بالصور إيلا كان سايس بلا عقل اشنو تقول على اكرد و املاح اللي كيتحملو المسؤولية ديال داك الهدف

هو بغا يدير التسلل بوحدو و ماشافش تمركز مزراوي 

التسلل كيبغي انسجام طويل بين المدافعين

اما تصرف اغرد فرا  ديما كايديرها مع ويسطهام و تسبب باهداف عدة 

و دارها حتى مع سوسيداد كيخرح و يدفك و يخلي مكانه فارغا

اما املاح را كان خارج التغطية في الكان 

الهدف كان خطأ نصف الفريق من املاح الى امرابط و مرورا بسايس مزراوي و الخطأ الاكبر لاغرد و بونو الكرة في اتجاه جسمه مرت بين قدميه

إقتباس لمشاركة:	@Edelstahl	20:12 - 2025/07/15
الزليج@ كما سبق لي كتبت هنا، ادارة البايرن كتشوف فازنو الظهير المستقبلي ديالهم بينما كومباني ماعندوش معاه وحتى الجماهير كيطالبو بإعطاء دقائق اكتر لازنو من الاحسن اشراكه لبعض المباريات قبل اتخاذ قرار البيع او الاعارة

العام لي فات لعبو ضد توتنهام و دار اداء مزيان

و لعب ضد فريق مغمور و صنع هدفين كظهير ايمن 

يعني واخا يلعبو اساسي في التحظيرات و يبين ماغاديش يعطيه الفرصة

و هادشي وقع لكل شباب النادي و حتى تيل لي اكثر موهبة من ازنو هز حوايجو و مشا لتوتنعام و بابلوفيتش لعب دقائق معدودة 

كومباني باغي نتائج مزيانة و خايف لا شي حد من الشباب بغلط 

و مادارش في راسو ان عندو لاعبين  ماشي في المستوى و كبرو بحال غوريتسكا و غريرو و غنابري  و هادو خارجين عليه دون نسيان ساني 

فعلاش مانعطيش الفرصة للشباب يعياو غلطو مايغلجوش بحال الاخرين

عندو عقلية انشلوطي و الركراكي

إقتباس لمشاركة:	@محمد لخنيفري	20:22 - 2025/07/15
سايس يعود إلى التداريب بعد غياب دام لأربعة أشهر بسبب الإصابة سجل رومان سايس، عودته إلى التداريب بعد تعافيه من الإصابة، التي غيبته عن الملاعب لمدة أربعة أشهر ،ونشر سايس عبر حسابه على موقع "أنستغرام"، صورا له من تداريب اليوم الثلاثاء، معلقا عليها: "لقد كانت مرحلة طويلة، ولكن في النهاية بعد 4 أشهر عدنا إلى الملعب. إنها فقط البداية صدقوني. الحمد لله".

اه صافي مزيان مرحبا بيه

كي جاوكم هاد 2 نكروزات

الطريقة باش هرب عليهم مضحكة

بحال دوك العدائين ديال 100 متر

إقتباس لمشاركة:	@الزليج الاندلسي	02:02 - 2025/07/16
طارت الايام شكون عقل على صورة غلاف جريدة المنتخب سنة 1997 و عليها نكروز شاد رونالدو و قالك نكروز اوقف رونالدو داليما كنا غير نية ههه

رونالدو كان واعر في داك الوقت و كان صعيب على المدافعين يشدوه

واخا لعب في اقوى دوري في العالم و اقوى و اعنف المدافعين في العالم اللي هما الإيطاليين

إقتباس لمشاركة:	@الخضرا الوطنية	02:28 - 2025/07/16
كان عندي الطابلو ديال البطولة الايطالية كنت كنلصق فيه تصاور   ديال داك الموسم 97/98 كان فيه نكروز وخا ما كنتش كنتفرج فيهم   كنت متيم بالطابلوات.

اه داز عندي هاد الطابلو في التسعينات

الباكية كانت واقيلا فيها شي 5 تصاور

إقتباس لمشاركة:	@الخضرا الوطنية	02:57 - 2025/07/16
نعم مزال عندي منو شي صفحات تقطع ليا   مونديال 98 فقط بعض الصفحات   كاس امم اوروبا 96 فقط بعض الصفحات متبقية   كاس العالم 94 بعض الصفحات   لكن مونديال 2002 مزال كامل وهو اخر طابلو عندي

واقيلا الطابلوات مابقاوش كيخرجو بعد مونديال 2002