شايف إن كأس العالم للأندية أكبر من مستوى الأهلي ..

وإن المسابقات المحلية بتسحب الأهلي للخلف ..

واستحالة نبني عليها

كل الفرق بلا استثناء بتدافع أمام الأهلي بتسع وعشر لاعيبة

وبتترص وتركن الباص وتعتبر إن التعادل مع الأهلي مكسب

عشان كدة دفاعنا لا يختبر ..

مفيش عليه ضغوط من مهاجمي المنافسين ومرتاحين “ ومفخدين ”

لما بنلاقي فرق بتهجم علينا وما بنقدرش نهاجمها دفاعنا بيبان

وبيتم إهانته وبتبان عيوبه وضعفه

كمان هجومنا متعود إنه بييجي له كل ماتش 10 أو 12 فرصة ..

لما يجيب منها واحدة أو اثنين بنبقى مبسوطين ..

لكن لما يكون مباراة شحيحة الفرص لما ييجي فرصتين ولا ثلاثة

لازم يتم استغلالهم وما يضيعوش .. فمحتاجة تركيز من الهجوم

لما ييجي لك فرصة فريق واقع أمامك زي بورتو .. دا أنت تسفلت

وجهه بالأرض .. لأنها فرصة مش هاتتكرر

المهم برضة شايف إننا استفدنا من كأس العالم للأندية

وبعد خروج الأهلي مش جايلي نفس أشوف ولا أسهر للفجر

حتى أشاهد لقاء ..

أمس لقاء تشياسي وبنفيكا .. ماكنتش حابه واتفرجت على مسلسل

يونس ولد فضة على قناة أم بي سي دراما وشوية على عمرو أديب

على قناة الجزيرة أتابع الأخبار ..

وما شوفتش لقاء تشيلسي .. اللي سمعت إنه تعطل ساعتين بسبب

سوء الطقس