برنامج الوحش_بروماكس في سهرة الليلة على قناة الحوار التونسي

في أمسية إنسانية مشحونة بالوفاء لنضال الشعب الفلسطيني، التقت الأسيرة المحررة إسراء_جعابيص بالفنان التونسي وليد_الصالحي مساء الإثنين 12 ماي 2025 .

عبّر الصالحي عن فخره بهذا اللقاء، مشيراً إلى تأثره العميق بمسيرة جعابيص ومعاناتها خلال سنوات الأسر. وأكد أن الشعب التونسي يقف دائماً إلى جانب القضية الفلسطينية، التي يعتبرها قضية مركزية في وجدان الأمة العربية.

وفي خطوة رمزية، قدّم الصالحي لجعابيص شجرة زيتون، مؤكداً أنها تجسد تجذر الفلسطينيين بأرضهم وصمودهم . وأشار إلى أن فلسطين تحتضن أقدم شجرة زيتون في العالم، يبلغ عمرها خمسة آلاف عام. كما أهداها لوحة فنية تضمنت كلمات أغنيته عن فلسطين والعروبة، تعبيراً عن دعمه الثقافي والفني.

من جانبها، ردّت جعابيص التحية بإهداء الصالحي كتابيها الأدبيين "موجوعة" و"فضفضات"، معبرة عن اعتزازها بزيارة تونس كأول بلد عربي تستقبلها بعد تحررها. وتحدثت جعابيص خلال هذا اللقاء الانساني عن آلام الأسر التي لم تكسر إرادتها، وعن سنوات القيد التي لم تطفئ إيمانها بالحرية. ودعت المثقفين والفنانين العرب إلى عدم تجاهل معاناة الأسرى، مؤكدة أن المقاومة تتجلى في الكلمة، الفن، الثقافة، والحب، إلى جانب السلاح.

شهد اللقاء حضور الدكتور كمال الحسيني، الرئيس التنفيذي لمؤسسة "سيدة الأرض"، الذي استعرض مبادرة "من تونس إلى فلسطين سنصلي في القدس"، التي تجسد إيمان الشعوب الحرة بأن القدس وجهة لا تعرف الحدود.

تأتي زيارة جعابيص إلى تونس كرسالة مقاومة وصبر، حيث تمثل صوت الأسيرات الفلسطينيات اللواتي يتحدين العذاب بكبرياء خلف قضبان الاحتلال، وتؤكد على أهمية التضامن الثقافي والإنساني في دعم القضية الفلسطينية.

فقرة Best_Look مع خبيرة التجميل هندة بن عبدالله

- أفضل إطلالة تلفزية رجالية لهذا الأسبوع -

اطلالة صيفية بامتياز لاسامة السعفي الذي اختار لون صيفي منعش وغير تقليدي veste corail pâle ، وادخل القميص الابيض على اللوك اكثر بهجة وانتعاش.

دعوة مهندسة الفضاء التونسية رانية_التوكابري في مكتب الأمم المتحدة بجنيف لمناقشة تدابير الأمن السيبراني والتدابير الجديدة التي يتعين على الحكومات والمنظمات الدولية والمؤسسات العامة والقطاع الخاص مراعاتها في السنوات القليلة المقبلة.

غزل يوسف في برنامج الوحش_بروماكس :

عمري 24 سنة وبديت الغناء عمري 15 سنة ، هو غرام ... الفنان فنان مايغنيش كان في السهرات الخاصة ، عندي تقريبا 5 سنين في الملاهي وهو إختيار الحمدلله موش احتياجات ولا اضطرار ... أنا صحيح "حب وغرام" ولكن موش أنو نغني في مطاعم وملاهي فقط ، أنا إنسانة نخدم بكيفي ومانيش عاملتها كمورد رزق خاطر عندي مشاريع متاعي ... وأنا في الأصل ممرضة كنت واستغنيت عليها ، مع احترامي للفنانين الكل ولكن الفن بكيفي وقتلي يخطرلي نمشي نخدم ووقت إلي يخطرلي مانمشيش ... علاش صعيبة ؟ كان تحترم روحك يحترموك لعباد ، ماكش ماشي باش تحلڨ وتقعد مع عباد ، أنت كي تدخل للمكان نوعا ما أنت محمي فيه فما sécurité ماهوش باش يصيرلك شي ، والحريف ملك على روحو مايعملش إلي يحب وهذوكم نوعية لعباد مساكن إلي مضطرين انهم يخدموا ويسكتوا ويقبلوا أي حاجة يعملولهم ... الرشق يولي تطيح قدر كيف يكبو عليك من فوق ، طيشها بعيد عليا أنا نغني فوق المسرح ... فما أداب وأخلاق للرشق وهي حاجة إلي باش تخليني أنا نحترمك ، من بينها مسافة الامان بين وجودي على الركح وبين البلاصة إلي يحب هو يرشق فيها ... أكثر مبلغ ترشق عليا أكثر شويا من 20 ومن شخص واحد ، هو يمكن كان يستنى إلي أنا باش نحكي معاه ولا حاجة وفي لخر تطلعلوا قرعة... فما حرفاء يحبوا يوريوا رواحهم باش يلفتوا الانتباه ، هو من جنسية عربية ... هو ديما يحضرلي وأنا نغني وديما نراه ، شافني شاف طبيعتي وكيفاش نتصرف على الركح ... فما فنانات تحاول تغري الحريف بحركاتها ولبستها وكل ، ربي يعينهم

برنامج 100filtrés مع إيمان العبيدي اليوم 18:45 على قناة الحوار التونسي

الفنانة مايا تؤجل إصدار أغنيتها الجديدة إثر وفاة كافون

في مبادرة إنسانية تحمل بعدًا فنيًا ورسالة قوية، يُجسَّد قريبًا فيلم درامي مستوحى من القصة المؤثرة للطفلة الفلسطينية هند_رجب، التي استشهدت بعد أن تعرّضت سيارة عائلتها لهجوم من قبل قوات الاحتلا.ل الإسر.ائيلي في غزة يوم 29 جانفي 2024. وقد عُثر على جثمانها بعد أيام من فقدانها، في مشهد هزّ وجدان العالم.

الفيلم الجديد تتولى إخراجه المخرجة التونسية كوثر_بن_هنية، ويُصوَّر حاليًا في العاصمة تونس، حيث انطلق العمل على المشروع بعد إعداد دقيق للإضاءة والتصوير والموقع.

ويحظى هذا العمل بدعم وتعاون من أسماء لامعة في صناعة السينما، أبرزهم الحائزان على جائزة الأوسكار أوديسا راي وجيمس ويلسون.

يمثّل الفيلم محاولة فنية لتخليد ذكرى هند رجب، وتحويل معاناتها ومعاناة آلاف الأطفال في غزة إلى صرخة فنية عالمية ضد الظلم.

الهادي زعيم في برنامج الحقائق_الأربع :

نتصور كافون أكثر فنان عمل ديوات مع فنانين توانسة ، تقريبا الناس الكل غنات معاه ، الرابورات متاع تونس الكل تقريبا غناو معاه.. في التمثيل والمسرح والتلفزة حاضر ، إنسان حنين ياسر وقلبه طيب ... نتذكر حادثة مرة حكهالي ، خذا كاشي وهو مروح لقى مرا زوالية مدلها الكاشي متاعو الكل وروح جيبو فارغ ... كان يعرف إلي ساقو الثانية باش تتقص الطبيب قالو ، قالي عادي نحبي ونغني ، باش تفهم العزيمة متاع العبد اذاكا ... حكينا في البودكاست وكي كملنا قالي مسيتني ياسر بالأسئلة متاع الموت ، قتلو تحب نحيوها وتقلق عايلتك وتقلقك أنت ؟ قالي لا خليها بلعكس أنا قعدت نخمم في حاجات ترجني من داخل

الفنانة رجاء بن سعيد ضيفة برنامج ضيفنا_على_كيفنا مع ميساء باديس سهرة الجمعة على قناة تونسنا

خبيب الجبالي مدير أعمال كافون في برنامج الحقائق_الأربع :

🔷 أنا جيت باش نصور نلقى أحمد الدوام لله ، قتلو يا أحمد البارح جيت باش نصورلك جايب ماتريال نلقى روحي نهز فيك

🔷 خلالي أمانة كبيرة ، اليوتيوب شادو أنا من أول الدنيا من أول ما عمل يوتيوب أحمد شادو انا قالي راهو أمانة اليوتيوب هذاكا رزق دارنا راني ماخليت شي كان اليوتيوب هذاكا هو مورد رزق للعايلة

🔷 فما برشا عباد قاعدة تحكي توا ، هاو فسخو غناياتو ومعادش تسمعوهم ، نقلهم راهو المورد الرزق الوحيد إلي قعد للعيلة

🔷 تسأل أي إنسان في المدينة الجديدة يقلك أحمد عاوني

🔷 كانت عندو حلمة أنو يعمل إخراج متاع فيلم وديجا قاعدين نكتبو فيه ، كانت عندو برشا احلام

🔷 استغفر الله العظيم يا ربي ولكن يا أحمد علاش ماشي مازالت عندنا برشا أحلام باش نعملوهم مع بعضنا

نادر شقرون في برنامج ديما_لاباس :

أنا مع الصحفية سعيدة الطرابلسي أنو البوز وقلة التربية نوافقها الرأي فيه ،وان شاء الصحفيين الكل يلقاو خدمة... لكن مانتفقش معاها في موضوع الراقصات وبنات الليل خاطر اذاكا شنوة يحب الشعب ، وكي نشوفوا مثلا نسب المشاهدة نلقاو أكثر نسب مشاهدة في البرامج هذوما ... يعني عندهم جمهورهم ، ونحترموا البرامج هاذم والبرامج الاخرين ، كل برنامج عندو جمهور

مسلسل الخطاب_على_الباب يعود من جديد قريبا على القناة الوطنية الثانية

وفاة الدكتور انيس بن معمر رئيس قسم الجراحة بمستشفى الحبيب ثامر و زوج الإعلامية هالة الركبي ، الله يرحمو وينعمو.

نجوم أغاني سبايستون ، عائلة طارق_العربي_طرقان ضيوف برنامج أنا_والمدام في الأسابيع القادمة على قناة تونسنا

الفنان صابر_الرباعي ضيف برنامج فكرة_سامي_الفهري هذا السبت على قناة الحوار التونسي

النجم التونسي ظافر_العابدين والمخرج المصري أمير_رمسيس في صورة خلال حضورهم فعاليات مهرجان كان السينمائي الدولي.

صفاء الجمازي في برنامج دايرين_بيا :

في ما يخص الفنانين التوانسة ، أنا عندي الفنان فنان مافماش كبير وصغير ، ماعنديش فنان يغني في كاباريه وفنان يغني في ملهى وفنان يغني في عروسات وفنان يغني في مهرجانات .. بالنسبة ليا لكلهم فنانين ، ولكلهم اعتز وافتخر بهم وندعمهم ، وهذا البرنامج يدعم بالأساس كل فنان تونسي في أي إختصاص ومجال ، يغني ، يرسم ، يشطح ، يمثل ، يقلد كل ماهو فنان له تحية إكبار من عندنا أحنا ... أنا نقولها بكل صراحة ، أي ضيف يكون حاضر معايا في البرنامج مانجمش نفرض رأي عليه ، الضيف يتحمل مسؤولية تصريحاته وراهو الفنان التونسي فوق ريوسنا الكل

النجمتان المصريتان هالة_صدقي و ريم_البارودي ضيفتا برنامج أنا_والمدام الأسابيع القادمة على قناة تونسنا

الشاعرة مريم_الدالي في برنامج 100filtrés :

🔷ما إحتجتش لظهور إعلامي فَوْر إصدار كتابي خاطر رَوَّجتلو عبر منصاتي وعملت بيه ملاين مشاهدات خاطر كنت نقرا جزء من كل صفحة و لقيت

🔷لكن أي مبدع يقعد مستحق الظهور إعلامي خاطر بعد نجاح الكتاب لازم نخرج نحكي عليه و فما حاجات ماتنجم تقولهم كان في الاعلام ماتنجمش تقولهم على منصاتك وزيد الناس متشوقة تحب تسمعني نحكي كيما هكا عادي خاطر عمري ماظهرت نحكي عادي حتى بش نقول بونجور ولا عيدكم مبروك مثلا في ستوري جامي نظهر في فيديوات شعر فقط وهاذي ستراتيجيا.

🔷كنت بش نبطل الشعر و الديوان هذا كان آخر فرصة ليا لأنو ما تنجمش تكمل في غرامك مهما كنت موهوب من غير ما تدخل للإحترافية والحمدالله النجاح فاق ببرشا توقعاتي هذاكا علاش على قريب بش نصدر ديواني الشعري الثاني .

🔷في إجابة عن سؤال المنشطة هل تعتبر روحك الشاعرة الأولى ؟ انا نحب الناس تقول لكن الي ملموس الي ليوم فما كان انا ظهرت موش خاطر انا الأعلى موهبة يمكن فما مرا تكتب في دارها ومايعرفها حد اما انا الي ثابرت وشديت الصحيح لأنو حتى قرار انك تعمل كتاب في حد ذاتو وفي العمر هذا كان تحدي كبير.

🔷معظم الكتاب و الشعراء يمشيو لمواضيع tabou لأنو القلم إما ان يكون تعبير عن الذات أو ذوات الآخرين أو إما ان يكون لتغيير الواقع والتأثير لكن انا اخترت ان لا أخوض هذه الحرب لاني هادئة ومانحبش نتسب يكفيني ان اكتب عن الحب و الغدر والمواضيع الهادئة ، ماعنديش طاقة بش نغير مجتمع خاطر معظم من اقدمو على هذه الحرب دفعو الثمن فما الي يسميه جبن هو حر انا يكفيني اني شجاعة في حياتي ونواجه، انا طاقتي لحياتي و إلبنتي.

قعدت أشهرة نكتب في الكتاب و انا نبكي بش نجم نخرج هذاكا الكل و قصائدي يمسو النسا خاصة موش الرجال لأنو حتى ولو الحكايات موش صايرين عليا اما بش نوصل نبَكي اعرف راني بكيت وانا نكتب.

🔷مانيش ضد الرجل انا ضد الرجل الخايب و في كل قصيدة كنت نحكي علاش هو خايب لازم نكتب هكاكا خاطر الشاعر ماينجمش يكتب عالفرحة كيما مسلسل مثلا كان احداثو هادئة ماينجحش لازم دراما

🔷انا نعبر و ندافع عن مشاعر المرا و عطيتهم قيمة

النجم التونسي ظافر_العابدين خلال حضوره تظاهرة المرأة في السينما ضمن فعاليات مهرجان كان السينمائي

برنامج الحوار_Time مع عفاف الغربي، مساء اليوم الجمعة 19:00 على قناة الحوار التونسي:

دبارة الشاف سيد القاسمي

علاج الآلام، اختصاص طبي قائم الذات

الصدمات النفسية المتوارثة عبر الأجيال

Perplexity محرك بحث بالذكاء الاصطناعي

عناية بالبشرة و الشعر ، جمال و الأفاريات

موضوع برنامج الوحش_بروماكس هذا الأحد على قناة الحوار التونسي بعنوان " قصة الترجي : البقاء في القمة أصعب من الوصول إليها !" بحضور المحلل رضا بوراوي والمدرب مختار التليلي وضيف شرف بمناسبة إحتفال النجم الساحلي بالمائوية مروان تاج.

بية_الزردي عبر لايف تيكتوك :

“كي تتحجب و توب لربي راهي حاجة بينك و بين ربي سبحانو مش للعباد و ربي قال المنافقين في الدرك الأسفل من جهنم.. تبت لربي مش لازم تخرج في التلفزة تبكي و تمخط و يا عباد شوفوني راني تبت.. انتي تبت لشكون الساعة.. و نعرف الي يتوب يبدا سيرتو نظيفة مش يسرق و يقلب الناس في تعبهم و شقاهم و هوما مش مسامحينو و من بعد يخرج يقول تبت... كي تاقف قدام ربي نهار آخر المظلوم بش ياخو حقو منك ولا هاذي نسيتها ”

نتائج التعداد العام للسكان و السكنى 2024 في تونس

رجاء بن سعيد في برنامج ضيفنا_على_كيفنا :

🔷مسيرتي مانيش راضية عليها برشا

🔷زوجي مات و خلالي اولادي صغار توا عندي ولدي ماستار و الاخر زادة يقرى

🔷كي نرى اولادي نفرح مانيش نادمة عطيتهم وقتي

🔷اما فنيا كنت نجم نعمل برشا حاجات

🔷حنان الشقراني قتلي والله مسيرتك توا عرفتها كيف استضافتني

🔷انا بنت الراشدية

🔷نحب الطرب و جو الاغاني الطربية الراب ما نسمعوش و ما نحبوش الحق

أية دغنوج في برنامج أحنا_هوني :

نطمح أني نكون فنانة في العالم العربي ، نطمح لمسيرة فنية محترمة ومرموقة في العالم العربي ... أنا مانراش أنو عندنا ماكينة الإنتاج وصناعة نجوم في تونس ، تونس صغيرة وممكن مافيهاش قوانين وتسهيلات أكثر لأن نصنعوا سوق متاع انتاج غنائي وانتاج نجوم نراوها أكثر في لبنان والخليج ومصر ، تونس حتى في الفترة إلي انتجوا فيها نجوم كانوا إلي واقفين على زمام الأمور الملحنين والشعراء كانوا هوما راسمين الثنية .. ولكن الدولة أو الناس المستمع العادي ماعندوش فكرة انو باش يتصنعلوا نجم.. أحنا عندنا مهرجانات ومناسبات خاصة والفنانين ينتجوا أغاني يا للمهرجانات يا للعروسات والمناسبات الخاصة ... أنا نرا حلمتي وروحي في حاجات أكبر من هكا

امين كمون في برنامج ضيفنا_على_كيفنا :

🔷عندي مرض مزمن نعيش بيه منذ الولادة

🔷هو مرض نادر

🔷كيف تولدت ما عرفوش شنوة مرضي امي و بابا قد ما نعمل ما نوفيلهمش تضحياتهم

🔷الدواء مكلف شوية موجود في فرنسا فقط

🔷كيف كبرت عشت إنسان عادي جدا خاطر ناخذ في الدواء بإنتظام

🔷ما أثرش هذا في حياتي الرياضية

🔷أول انسان كان داعم ليا كرويا هو خويا الي توفى في عمر الاربعين سنة

🔷أمي كانتلها صدمة عمرها وفاة خويا

🔷أنا غسلتو و كفنتو و قبرتو خويا و من وقتها فهمت الحياة ماعادش يهمني التنمر و لا الشتم و لا شيء يأثر فيا

معاذ بن نصير في برنامج ضيفنا_على_كيفنا :

🔷أصنف النوعية هذه من الموسيقى الراب ماهيش فن

🔷هذا نوع من الارهاب الثقافي و الارهاب الفكري

🔷هذا جنجون كيف يقول ما نغنيش في عرس عندو حق اش عندو يغني سكارا سكارا سربي سربي!!؟؟؟

🔷هذا الكل يقدم لصغارنا دون سن الرشد

🔷قبل تربينا على اناشيد يحز في نفسي اليوم انه صغير عمره اربعة سنين يغني في الراب هذا

🔷نحمل مسؤولية للاعلام الي يبيض فيهم

🔷نوعية ما يقدم هذا خطر كبير على صغارنا

كشفت النجمة التونسية هند_صبري أنّها رفضت المشاركة في عدد من الأعمال خلال العام الماضي، بسبب عدم شعورها بالرغبة في العمل.

وقالت هند، خلال حوارها مع الإعلامي محمد قيس في برنامج عندي_سؤال الذي يُعرض على قناة "المشهد": "لم أعمل يوماً من أجل المال، والحمد لله لست بحاجة إليه، وأنا سعيدة لأنني أكسب مالاً جيداً من عملي".

وأضافت هند: "والله إنني أعلم أن هناك من قد لا يصدق، لكن أحياناً أنسى ما إذا كنت قد تسلّمت الدفعة المستحقّة أم لا، ومن يعملون معي يذكرونني بذلك".

وأوضحت أن القدرة على الاستغناء تمنحها حرية أكبر في اختيار أعمالها، فقالت: "هذه الحرية تُمكنني من رفض أعمال لا أرغب في القيام بها، أو حتى إن كنت أرغب بها لكن أشعر أن الوقت غير مناسب وأحتاج إلى بعض الراحة. في العام الماضي، اعتذرت عن عدة أعمال لأنني لم أكن أملك الطاقة النفسية للعمل".

وأشارت هند إلى أنها شعرت بإرهاق داخلي نتيجة لطبيعة العمل الطويلة والمشاريع المعقدة، خاصة عندما تكون ممثلة ومنتجة في آنٍ واحد، قائلة: "كان جهداً كبيراً، وكنت أشعر بالاحتراق من الداخل".

صانع المحتوى كابتن_عبدالعزيز :

أنا من سوريا أصلي كردي وعايش بألمانيا وأشتغل سائق قطار وعلى السوشيال ميديا .. تفاجئت بتونس بلد كثير جميل وموش ماخذة حقها في الإعلام

الinterview

#علاء_الشابي في برنامج #O_Star :

بربي نصيحة لجماعة البودكاست ، راهو زوز ميكروات يشبهو لمتاع الإذاعة و ضيف قدامك ونعاود مع الضيف نجبد نحكي معاه، هذي مقاربة إذاعية وليست تلفزية .. بدل الإسم راهو البودكاست في الراديو ، وكي تخدموا اخدموه بقواعد التلفزة على الأقل.. معناها تڨين عليه يعمل خلفية سوداء من تالي ، موش معقول فما قواعد وفما إضاءة ... فما بودكاست محترمين ، ولكن الأغلبية هات صباطك واعمل بودكاست... إلي يعمل بودكاست يعمل 10 حلقات ويتكى وإلي واصلوا اذوكم هوما الصحاح ... إذا كان غادرت وماكملتش تتسمى فاشل ... أنا لو باش نعمل مانعملش بودكاست كيما إلي قاعد يتعمل .. نعملو على بزو ومعناه ، نعمل بودكاست في ديكور يرعب وفيه ضوء وإخراج ، موش 3 كاميروات وحدة عليا ووحدة على الضيف ووحدة large هذي متاع مبتدئين

تمنياتنا بالشفاء العاجل للفنان نور الدين الكحلاوي بعد تعرضه لوعكة صحية حادة استوجبت نقله على جناح السرعة لإحدى المصحات في تونس.

تحدث الفنان الشعبي وليد الصالحي في برنامج #نجوم عن تجربته الفنية الجديدة من خلال أغنيته الأخيرة "ماتعرفنيش"، التي جمعته بمغني الراب بلينغوس.

وعبّر الصالحي عن سعادته بهذا التعاون، مؤكداً أنه اختار بلينغوس لأنه الفنان الذي يمكنه "الركوب" على الموجة نفسها، نظراً للتقارب بين أسلوبهما الفني.

وأضاف الصالحي أن ''جمهور الراب اليوم كبر مع المزود والفن الشعبي''، مما يجعل التعاون بينه وبين بلينغوس أمراً طبيعياً. كما أشار إلى أن بلينغوس ترعرع في أجواء الفن الشعبي، خاصة أن والده عازف معروف، مما جعله يتقن المصطلحات والأجواء الفنية التي يجيدها الفنانون الشعبيون.

في جانب آخر، كشف وليد الصالحي عن امتلاكه لرصيد فني ضخم قيد الإنتاج، حيث أشار إلى أنه يعمل حالياً على 25 أغنية جديدة، بالإضافة إلى مئات الأغاني التي تنتظر دورها لتخرج إلى النور.

كما أعلن الصالحي أنه بصدد التحضير لفيلم مستوحى من قصة واقعية، يجمعه مع مجموعة من الأصدقاء المقربين. ورفض الكشف عن تفاصيل القصة حالياً، مؤكداً أن العمل سيحمل بصمة خاصة.

ايمن العقبي في برنامج #ضيفنا_على_كيفنا :

🔷في البدايات ما شجعني حد لا من الميدان و لا العائلة

🔷قريت هندسة بعيد على التصوير يعني

🔷سمعت كلمة دخيل وكل كلمة تقويك

🔷اي حساس و اي فنان حساس اما الكلام نفهمو موش استفزاز خايب ايجابي

🔷فما زملاء ياخذولي تصاوري و ينسبوهم ليهم

🔷فما الي نحاو logo جملة

🔷للأمانة ناصيف زيتون خلق و أخلاق و اعتذر قال موش مني انا من l’équipe technique انه هبط تصاوري من غير اسمي

🔷صورت نانسي عجرم و قصة حب انا و فايا يونان

🔷خدمت للطيفة العرفاوي و برشا فنانين الي تصاورهم دارو معايا

برنامج #فكرة_سامي_الفهري في سهرة الليلة على قناة الحوار التونسي

في إجابة عن سؤال مقدم البرنامج "أدوارك الأولى كانت جريئة بالنسبة لك؟" ، #هند_صبري في برنامج #عندي_سؤال :

"ليس لأنني كنت أقدّم أدوارًا جريئة، بل لأنني قدمت من سينما تُعدّ جريئة، فالسّينما التّونسية أكثر جرأة وسقف الحريات فيها أعلى من السينما المصرية في ذلك الوقت، لأنّ تلك الفترة كانت فترة رواج ما يُعرف بـ"السينما النظيفة"، وكنتُ مستغربة جدًّا من هذا المصطلح، إذ لم أنتمِ يومًا إلى تلك الموجة."

ايمن بوبكري والد الطفلة يقين التي تم تكريهم من قبل الترجي الرياضي التونسي في برنامج #samdigital مع إيناس القابسي و إعداد بسام القبطني :

🔵كانت حلمها تمشي للستاد و تقابل لاعبين الترجي الرياضي التونسي

🔵حبها للترجي تزرع مني أنا خاطرني ترجي في الدم و من صغرها كانت تشوف فيا كيفاش ننفعل و نفرح كي تربح الترجي

🔵يقين كي تخسر الترجي توصل ما تاكلش الماكلة

🔵بالرغم الي احنا بعاد في الكريب تقلي بابا هزني للستاد و خليني نتفرج معاك في الماتش

🔵تعرف اللاعبين الكل متع الترجي

🔵يقين عمرها خمسة سنين و مغرومة بالطبخ و الموسيقي

🔵التكريم هذا هو فخر كبير للبنوتة و يعنيلي برشا على خاطرو جاء من الترجي الرياضي التونسي

🔵اكثر لاعبين تحبهم البلايلي و مميش

رشا بن معاوية في برنامج #O_star مع أميمة العياري وإعداد فرح مرواني:

🔷موضوع التصفيح مازال موجود اليوم في تونس و موش كان تونس بركا الحكاية موجودة في العالم العربي الكل و هذاكا علاش طرحناه في فيلم زريعة ابليس

🔷تفاجأت انو فيلم زريعة ابليس خرج السنة، كي صورناه في 2023 فيبالنا بش يدور في المهرجانات و بعد يهبط في تونس

🔷كي كلمني خليل البحري على الفيلم قالي الي هو فيلم رعب و حكاية التصفيح ماكانتش موجودة و عارفين مالأول الموضوع بش يثير الجدل و موجود في الثقافة التونسية

🔷الي فرحانة بيه انو الفيلم موش مصروف عليه برشا انتاجيا و غير مدعوم من وزارة الثقافة و تحيا كبيرة لمجدي الحسيني الي آمن بالفكرة

🔷في شخصية بية في زريعة ابليس قعدت مع طبة و بنات مصفحة بش نفهم الشخصية اكثر و السحر موجود في القرآن، نتصور الي موجود في القرآن الكل صحيح

🔷التصوير دام جمعتين كهو و قعدت شهر بش خرجت مالشخصية خاطر لبستني و وليت نعيش في حاجات يخوفوا و امي خافت عليا

🔷عمري ماتفرجت في دور و كنت راضية على روحي، الشخصية الوحيدة الي راضية عليها هي بية خاطر قدمتها بكل صدق

🔷فما مشهد مع وحيدة الدريدي في زريعة ابليس من المفروض مانبكيش فيه اما من كثرة ماهي صادقة في تمثيلها بكيت

🔷العرس باهي اما صعيب فيه برشا مسؤولية و يبدل فيك برشا حاجات

🔷جاوني عروض في مصر و رفضتهم، كنت نلوج على الانتشار مالاول اول ماجيت توا وليت نختار ادواري و ان شاء الله نكون موجودة في رمضان 2026 في تونس

الدكتور ملاك بوزويتة في برنامج #samdigital مع ايناس القابسي و إعداد بسام القبطني:

🔵الطبيب ماهوش مؤثر عندو دور توعوي و تثقيفي

🔵أنا ما نأمنش الي عدد المتابعين في الديجيتال يدل على نجاح الطبيب عنا أطباء أكفاء في تونس و مش مغرومين بالديجيتال

🔵عمادة الأطباء مواكبة التطورات الي قاعدة تصير و عنا قوانين تحدد علاقة الأطباء بمواقع التواصل الاجتماعي و عنا خطوط حمراء مانجموش نتخطاوها

🔵الصعوبة لازم نحافظو على أخلاقيات المهنة وفي نفس الوقت نتبعو

🔵التوندونس من الأكثر الحاجات الي دهشتني نساء تجيبلي تصاور بالفيلتر تقلي نحب نولي نشبهلها

🔵صور المشاهير على الانستغرام غير حقيقية و تصاور مخدومة و هذا الي نحكيه للبنات الصغيرات

🔵الجمال ما فيه حتي معايير كان في التناسق

🔵احنا في الطب التونسي نحتلو المراتب الأولي في جميع الاختصاصات

🔵الطبيب التونسي غني عن التعريف

🔵اي بلاد في العالم تمشي تلقى طبيب تونسي يخدم و ناجح

🔵تونس وجهة للسياحة الصحية بامتياز

🔵نقول للتوانسة نحيو عقدة الأجنبي راهو المنتوج التونسي عالي الجودة

🔵الي يعملو زراعة الشعر ما يقرأون حساب المضاعفات بعد العملية و كي يروحو لبلادهم

🔵المشكل في تركيا مسموح لغير الأطباء للقيام بإجراءات تجميلية كيما زراعة الشعر

🔵خويا عشرين سنة يعيش في كندا وعمرو ما عمل سنيه غادي

🔵أنا نقول للي يمشي يداوي في بلاد اخرى بلادك أولى

🔵نحمدو ربي الي ناس بدات ترجع للnaturel و التركيز على الجمال الطبيعي و احنا توا في موجة الفشان

🔵احنا في عصر الديجيتال وين المشاهير توجه الرأي العام كيما كيم كارداشيان هي الأولي الي خلقت موضة نحت الجسم و توا قررت ترجع للطبيعي و نساء تبعتها

🔵أنا نشكر الناس الي تبع فيا خاطر يتبعو فيا على خدمتي

علاء الشابي في برنامج #O_star مع أميمة العياري وإعداد فرح مرواني:

🔷أنا مانيش أناني و عمري ما كنت مغرور طيلة 33 سنة في الاعلام، ساقيا ديما في القاعة

🔷مازالو 4 حلقات و يوفى برنامج أنا و المدام الموسم هذا، تقييم ايجابي بالنسبة ليا هي منوعة ترفيهية اما انا عمري مانكون راضي على روحي

🔷عندي ضيوف جبتهم في برنامج أنا و المدام مانيش مقتنع بيهم و فما عباد ترفض الحضور خاطر يخدموا في قنوات أخرى

🔷الاستقبال و حسن الضيافة من قناة الشروق الجزائرية أحسن استقبال ريتو في حياتي للضيوف

🔷استضفت هالة صدقي و ريم البارودي و عائلة طارق العربي طرقان و الكل جاو بدون مقابل مادي و من زمان نجيب الخطاب الفنانين العرب ماعادش يجيو لتونس

🔷نهار السبت و البرامج متع عشوية السبت مانحبهمش، انا نحب نهار الخميس و نستباخت بيه و كل برامجي قدمتهم بالخميس

🔷قابلت هالة صدقي في 2001 و عاودت قابلتها السنة بعد 24 سنة كان لقاء ممتاز و هي مرا ممتازة و خدمتها تحكي عليها

🔷التلفزة خذات مني عمري اما انا نعرف الي مستحيل نجم نخدم اي خدمة أخرى بخلاف الاعلام، انا بديت في التلفزة قبل التكنولوجيا

🔷أنا اولادي صحابي مانيش البو الصعيب، أولادي في طولي و ممكن نادم الي ماعديتش معاهم برشا وقت و هوما صغار

عبداللطيف خيرالدين في برنامج #استديو_الأحد :

النفاق هذاكا هو إلي فما ، أنا ماتربيتش هكاكا ... أنا مانجمش انافق ، مانحبكش مانحبكش ... أنا ساعات يخليوني نقول كلام ربما مانيش مقتنع بيه برشا ، كيف قلت سامي الفهري صنع نجوم من كرتون بمعنى أنو إلي ياثق فيه ويطلعوا يظهر إلي هو مبعد من كرتون ... الله غالب سي سامي الفهري مد يدو لبرشا ناس ومعظمهم ڨدمولو يدو إلي مدها ، تنكرولو... عاطف بن حسين من أول الناس إلي ڨدم يد سامي الفهري

كشف الإعلامي التونسي #عماد_دبور، عن كواليس زيارة النجم #عادل_إمام لدولة تونس، وتكريمه من رئيس الجمهورية الراحل الباجي قايد السبسي، عام 2016، وهي الزيارة التي رافقه فيها.

وقال عماد دبور، في لقاء له مع الإعلامية إسعاد يونس، في برنامج #صاحبة_السعادة من خلال حلقة خاصة للاحتفال بمناسبة عيد ميلاد الزعيم: عادل إمام اسمه بمفرده لقب، ولم ألتقي مصريا في كل البلدان التي زرتها إلا وحدثني عن عادل إمام وإفيهاته، عادل إمام عابر للأزمان ، ويحمل سعادة فقط بمجرد ذكر اسمه، وشاهدت مدى جماله وهو نازل من السيارة الرئاسية، بعد تكريمه، كنت أرى هذا العظيم يتصرف كطفل".

وأضاف: "سمعت عن عادل إمام كثيرا، ولكن لمسني الحب والتواضع خاصة مع الحراس الذين كانوا يرافقونه، فكان يطلب بشدة أن يحييهم ويسلم عليهم وكأنه يقول أنا للناس ويحذر من إبعادهم عنه، هذا بالإضافة إلى كرمه الشديد وهو يعطي هدايا لكل أيضا من رافقوه، وسعادته الشديدة كانت عند تعامله مع البسطاء رغم أنه تقابل مع وزراء وسفراء وكتاب ومثقفيين وما غير ذلك".

وأكد الإعلامي عماد دبور: "أنه كان بسيطا جدا خلال زيارته لتونس، ولم يكن له أي شروط أو طلبات مثلما تردد، وأتذكر أنه حتى لم يسافر في طائرة خاصة وعاد في طائرة مصر للطيران، وحقا عادل إمام لم يطلب شئ ولم يتحصل على شئ سوى الجائزة وهي كبرى ليست لأنها رئاسية لكن لأنها تعبير عن محبة الناس له"."، مضيفا ومازحا: "كان شرطه الوحيد أن يكون في شاى".

واسترسل عماد دبور، في كواليس زيارة الزعيم لتونس، قائلا: "حكى لنا في جلسات معه حكايات جميلة عن تاريخ أفلامه ومسلسلاته وعلاقته بزيارة للمغرب، ومحبته لكل الشعوب العربية، مضيفا: "عادل إمام كان يعرف جيدا حجم أهميته، هو من وماذا يمثل؟، فهو قيمة فنية وأدبية وحضارية، ولديه تواضع شديد وفهم متميز، وثقافة عالية".

مسلسل #الخطاب_على_الباب بداية من الليلة 21:15 على القناة الوطنية الثانية