إقتباس لمشاركة:	@Zanaty10	12:16 - 2025/01/30
تريزيجيه راح الريان كان بيلعب جناح شمال وبن شرقي بيلعب مهاجم مقعدش على الدكة ولا حاجة   كمان بركات زمان جبناه من قطر بعد ماكان مشطب كورة ورجع تاني بركات اللي نعرفه الدوري في مصر غير في قطر تماما حتى لو عندهم الامكانيات اعلى بكتير من عندنا بس غياب الجمهور بيخلي المستويات تبقى في الارض انا قلت عليه منتهي بس طالما خلاص جه الاهلي يبقى لازم ياخد فرصته الاول ونشوف يقدر يقدم ايه للفريق وده المهم بغض النظر جاي منين او قصته ايه

معلش الموضوع مختلف 

الفرقه في وقتها كانت حرفيا واقعه جدا ومفيش لاعيبه تشيل الفريق حرفيا 

فكان لازم نجيب لاعيبه ثقيله تقوم الفريق تاني زي بركان والشاطر والنحاس وعبدالوهاب وأكوتي منساة وقبلهم تريكه وحسن مصطفي ومحمد شوقي

إقتباس لمشاركة:	@Zanaty10	12:21 - 2025/01/30
احمد عفيفي بيقول كلام مضحك فشخ في تسجيل صوتي بعد اشرف بن شرقي   النظام كله معمول عشان ميبقاش فيه منافسة خالص في مصر وبتدي نادي فلوس اكتر من الاندية التانية بلا بلا بلا امال لما الزمالك فاز بالدوري موسمين ورا بعض كان فين الكلام ده؟ لما كان عنده فريق احلام من كام سنة كان فين الكلام ده؟ مرتضى كان بيجيب الفلوس منين للصفقات؟ اي كلام هتش واستمرار للمظلومية اللي جزء كبير جدا من جماهير المنافس بيحبوا يعيشوا نفسهم فيها كتبرير لفشل ناديهم ونجاح نادينا ربنا يهدي

للعلم هما كلهم نفس الدماغ بس عفيفي بشياكه شويه .....لو بصيت علي تصريحاته هتلاقي مفيش فرق بينه ومابين رضا عبدالعال الفرق بس في طريقه الكلام

إقتباس لمشاركة:	@FaLcOn CrEsT	12:27 - 2025/01/30
الصورة مسربة   لكن عندي خبر بخصوص معلول الأهلي قرر الأكتفاء بالأجانب الموجودة وتسجيل على معلول .. في القائمتين المحلية والإفريقية على ان تكون مشاركته في المبارايات من عدمها في يد مارسيل كوللر

كلام سليم 

وانا شايف ان معلول تقدر توظفه في اكثر من مكان وينج يمين .. وينج شمال .. لاعب وسط شمال .... ده غير مركزه الاساسي باك شمال

يااارب يكون الكلام ده صحيح

إقتباس لمشاركة:	@سطلانا	21:20 - 2025/01/30
بختلف معاك بصراحه في بن شرقي   هو لاعب فنيا جيد جدا و30 سنه مش كتير بس اكيد محتاج شغل بدني عالي علشان الدوري القطري بدنيا اقل بكتير من المصري كمان الاندية الكبيره زي الاهلي مش اندية تكوين وتطلع شباب للفريق الاول الاندية الكبيره مش بتصبر وبتلعب علي الجاهز خاصة في عهد الاحتراف

منقدرش نسبق الاحداث اتمني يكون ظني غلط ويطلع بن شرقي مفيد بشكل كبير لينا

ولكن انا فكرتي اني استعين بلاعيبه صغيرة في السن وجديده علي الفريق وعنده شغف انه يحقق حاجه زي وسام بالظبط

ولكن خلينا نشوف الايام الس جاية