مدام منى نورالدين وكوثر الباردي و ال nounours سفيان الله يرحمو ، مانقدرش نقول سفيان الله يرحمو خاطر بالنسبة ليا مازالوا حي ... تجوزت معاهم التوانسة غير الضحك ، نسيبتي العزيزة مع المنجي ولخرين يسرقوا الماكلة وتشوفنا غير مخبين وقاعدين كنا كي الذراري الصغار.. حلوين الذكريات ومافيهمش لا بغض لا والو ، واحد ما وجع خوه... ماكناش نحسو ڨاع إلي أحنا نصوروا ، رانا في عايلة فقط ... في نسيبتي العزيزة ضحك ولعب ، ونقعدوا في الضحك كيف نلحقوا للتورناج نقعدوا في الضحك... حتى المخرج الله يرحمو خلانا نديروا اش نحبوا ... كان كل واحد عندو genre متاعو ، وقعدنا نتلاقاو ونبداو غير الضحك ونتفكروا ... شرف كبير ليا نخدم عمل في تونس ، مازال ماجاتنيش عروض من تونس بعد نسيبتي العزيزة ... أنا في نسيبتي العزيزة طيحت الكاشي متاعي برشا لأنو فلوسنا غالية ، وهذا كان بفخر لأنو على بالي ماعندهمش ميزانية كبيرة وأنا قلتلهم باطل نخدم معاكم قالولي مستحيل تخدم مجانا... موش في الأول هذا بعد ما عرفتهم وعرفت القدر والانسانية متاعهم
تحدث الممثل حسام الساحلي في حوار لبرنامج رمضان_شو، عن دوره في مسلسل "الزعيم"، الذي يعرض على قناة ''تلفزة تي في'' حيث يؤدي شخصية "سمير هرج".
وأشار الساحلي إلى أن فريق العمل في مسلسل 'الزعيم' حاول تقديم صورة قريبة من الواقع التونسي، خاصة من خلال تسليط الضوء على الأحياء الشعبية. لكنه أكد أن بعض المشاهد قد تحتوي على تكثيف درامي قد لا يعكس الواقع بالكامل.
كما كشف الساحلي عن طبيعة علاقته مع زميله عاطف بن حسين في المسلسلات. حيث قال إن الاختلاف في وجهات النظر معه يعتبر بمثابة القدر مشيرا إلى أنه حتى في مسلسل "الزعيم"، لن تبقى العلاقة بينهما كما كانت في السابق.
أما عن الجانب الإنتاجي، فقد أبدى الساحلي رضاه عن توفير جميع الإمكانيات اللازمة من تكاليف وطاقم عمل ومعدات.
وفي ختام حديثه، أشار الساحلي إلى حرصه على متابعة كافة الأعمال الرمضانية من أجل تقييمها وتهنئة زملائه على إبداعاتهم، معبرًا عن إعجابه بمسلسل "الرافل" الذي نال إعجابه هذا الموسم
برنامج هداري_رمضان مع ميساء باديس ويرافقها عبدالجليل السمراني ، معاذ بن نصير ، بشرى السلطاني ، مايا الماجري ومينا بن سليمان سهرة الجمعة على قناة تونسنا
الأزهر_بوعزيزي في برنامج ناس_رمضان مع ملاك_الدوزي:
🔴أنا أصلي الأصيل من سيدي بوزيد لكن المنشأ و التربية في قفصة ومن عام 74 أقمت الرحال بصفاقس
🔴دخلت للاحتراف الفرقة المسرحية القارة سابقا وواصلت
🔴حببني في التمثيل الأستاذ الكبير اللي وقع نسيانه عبد القادر مقداد اللي عرف بالمسرح التونسي في العالم أجمع على غرار أوربا والدول العربية
🔴أدواري الكل نحبهم من قلبي ولكن فما مثلا بنت الخزاف و دوري البشير البحار في المتحدي و دوري زادة في الليالي البيض مع الممثلة الراحة سعيدة سراي الله يرحمها
🔴لكل عصر سلبياته وايجابياته
🔴أحنا مسلسلات قبل كانت العائلة تتلم بما أنو الأعمال كانت كان في رمضان
🔴مواضيعنا قبل تلم العائلة وتطرح مواضيع اجتماعية والمتفرج يلقى روحو كي يتفرج الفلاح الفنان الصغار حتى هاك المشاكل الزوجية
🔴أعمال اليوم اللي أنا منبهر بيه التقنيات الرائعة جدا الصورة والصوت ولكن فما مواضيع كاسحة شوية نفرت العائلات البو و صغارو معادش ينجموا يتفرجوا مع بعضهم
🔴نتفرج في مسلسل الرافل السنة و الفتنة رائع على مستوى الصورة والإخراج يعطيها الصحة سوسن الجمني ولكن المواضيع فما شوية كسوحية
🔴فما مواضيع صحيح موجودة في المجتمع ولكن مانجموش نتفرجوها مع العائلة صعيبة
🔴من الليالي البيض عملنا بعدها مدرسة الرسول مع أنور العياشي وماعاودتش شاركت في أعمال أخرى في تونس
🔴شاركت في رمضان قبل الماضي في مسلسل سرايا في ال mbc الجزء الثاني عملت دور القنصل الأمريكاني وكانت تجربة حلوة و مشرفة مع توانسة و مغاربة و جزائريين
🔴المخرجين الشباب مايعرفوش الممثلين القدم كيما المنصف الكاتب الحبيب المسلماني اللي يعرفوا الممثلين القدم
🔴 اليوم المخرجين الجدد فرق فرق يجيبوا بعضهم وساعات السيناريو يتكتب من أجل أسماء معينة
🔴أنا غيبت روحي لأني ما نمشيش لتونس وما نقعدش قعدات ونعرف بروحي وهوما ماتفكروش الممثلين الكبار
🔴والدليل على كلامي كان ترى مسلسلات تو تو تلقاهم أغلبهم شباب
🔴قليل تلقى منى نور الدين ربي يطول في عمرها
🔴الممثلين الكبار يخلي بصمة حتى في لقطة يبدع
🔴في مصر مثلا ممثلينهم حتى على كروسة ومتواجد يعطيو الكبار القيمة
🔴الخبرة مهمة جدا وعندها قيمة مهما يكون الدور كبير أو صغير
🔴 أحنا في تونس كعبتين و كعبة والناس الكل تعرف الممثلين الكبار مناش مليون مثال كيما مصر
🔴لي الشرف في العمر هذا و تكرمت في مصر بعثولي بصفة خاصة و تكرمت و خذيت الجائزة الأولى في المهرجان الدولي في المغرب خاطر نعمل أنا زادة حكواتي و خذيت زادة جائزة في المهرجان الوطني بالجزائر
🔴في تونس تم تكريمي في عدة مناسبات ٱخر مرة في عهد وزير الثقافة محمد عزالدين العابدين في أول دورة عملوها للمسرح التونسي أيضا في عدة مهرجانات جهوية و محلية
🔴ولكن تكريم الفنان كي يصعد على المسرح أو يكون في البلاتو
🔴الحمدلله عندي مئات المسرحيات من تمثيلي و إخراجي أيضا
🔴مازلت كي كملت زوز أعمال قدمتهم للجنة عمل كممثل في مسرحية للأطفال " يونغا عجيبة " وعملت إخراج وإنتاج مسرحية قناطرية بطولة صديقي العزيز عشيري “المنصف الوكيل ”
🔴عندي أعمال اذاعية كل سهرية يوم الثلاثاء ال 9,5 مساء ، اسمو مقهى "العم عبدالله" نخرف خرافة بحكم أنا عامل حكواتي وفيه لعبة وتشنشينات مع المستمعين
بعد غياب دام سبع سنوات، يعود الممثل العربي المازني إلى الدراما التونسية من خلال دور "بودرن" في مسلسل "الزعيم"، وهو يعتبر أن هذا الغياب كان إجحافا في حقّه.
وخلال استضافته في برنامج رمضان_شو، تحدث المازني عن دوره في المسلسل، الذي يُعرض على قناة "تلفزة تي في"، مشيرا إلى أن نشأته في حيّ شعبي ساعدته على تجسيد شخصية "بودرن"، التي استلهمها من شخصية حقيقية.
وعن طبيعة الدور، أوضح العربي المازني أن "بودرن" يجسد الخيانة، لكنّ خيانته لصديقه لم تكن خيارا، بل فرضتها الظروف. وأضاف أن الشخصية ستشهد ثلاثة منعرجات حاسمة في المسلسل، الذي يمتد على 15 حلقة.
وأكد المازني أنه لم يواجه أي صعوبة في الأداء، حيث وجد نفسه "بين أيادٍ أمينة"، مشيدا بإدارة حسام الساحلي للممثلين، بالإضافة إلى دور عاطف بن حسين. كما أشار إلى أن "الزعيم" يتميّز بوتيرة أحداث سريعة وتطوّرات متواصلة، مما يُبعد الملل عن المشاهد، إلى جانب دخول شخصيات جديدة مع تقدم الحلقات.
وفي ما يتعلق بمحتوى المسلسل، شدّد على أن أحد محاوره الأساسية يتناول "تداعيات غياب الدولة وعدم تطبيق القانون".
وعبّر المازني عن رضاه الكبير عن العمل، مؤكدا أن آراء الجمهور وتفاعلهم مع الشخصيات أهم بالنسبة إليه من نسب المشاهدة واستطلاعات الرأي.
أما عن غيابه المطوّل عن الدراما، فقد أشار المازني إلى أنه لا يجد تفسيرا منطقيا لذلك، رغم إثباته جداراته في التمثيل، مضيفا قوله مازحا: "بعد أن نلت جائزة، بقيت عاطلا طيلة سبع سنوات"
مانتعدمدش غياب عن الإعلام ولكن فما منو شويا "أبعد على الشر وغنيلو" ، أحيانا تولي فيها شر ... انا مانحبش نأذي حتى حد ، مسالمة ، أما مانحملش شكون يتعدى عليا ولهذا نتحاشى الحاجات إلي باش تجيبلي الكلام... أنا نقول تكلمو عليا برشا وتحدثوا عليا برشا وحكيت برشا ، مانحبش الناس تحكي عليا وتحكي على أعمالي ، وصلت لسن كي تحكي عليا في غيابي خير ملي نحكي أنا... ماصادفتش نظهر في الحوار التونسي انتوما لا خطبتو ولا أنا خطبت ، الوطنية ملي دشنت كنت موجودة فيها وهذيكا متاعنا الكل .. نسمة هذيكا داري
حلّ الممثل الشاذلي العرفاوي ضيفا على برنامج رمضان_شو للحديث عن مشاركته في مسلسلي "بوليس" و"رڨوج".
وتحدث العرفاوي عن دوره في "رڨوج"، موضحا أن ظهوره سيكون بمثابة "مشاركة خاصة"، نظرا لوفاة شخصية "عبد الله" التي جسّدها في الجزء الأول. وأشار إلى أن المخرج عبد الحميد بوشناق اعتمد في العمل على مفهوم "الواقعية السحرية"، الذي كان حاضرا في الجزء الأول وسيستمر في الجزء الثاني.
وأضاف أن جميع الشخصيات التي توفيت في الجزء الأول ستظهر ضمن مشهد زفاف، حيث ستتحرك بين الضيوف دون أن يراها أحد، لكنها ستكون قادرة على رؤية مجريات السهرة والتفاعل معها.
أما بخصوص سلسلة "بوليس"، التي انطلقت من فيلم عُرض مؤخرًا في قاعات السينما، أكد العرفاوي أن العمل كان في الأصل مُعدّا للسينما وليس للتلفزيون. وأوضح أن قرار تحويله إلى سلسلة تلفزيونية يعود إلى منتجي العمل والقناة.
وفي سياق آخر، علّق العرفاوي على الجدل الذي أثير حول مشهد "السومو"، منتقدا تلفيق صورته على جسد أحد المصارعين. ووصف ما حدث بـ"المعركة الدنيئة"، مشيرا إلى أن إحدى الصفحات على مواقع التواصل الاجتماعي تقف وراء ذلك وأنّ الهدف من ذلك كان رفع نسب المشاهدة وبحثا عن الإشهار.
وكشف العرفاوي عن مشروع فيلم "بوليس 2"، مؤكدا أن العمل جارٍ حاليا على كتابة السيناريو.
"عمارة المليتي كان المدة الأخيرة كلامو بالالغاز كان يودع فينا و يقول" راني بش نروح و المسلسل أمانة عندكم ".. عمارة جملة كان يقولها و انا تبنيتها و عايش بيها قال" أحنا ذنبنا الوحيد في الميدان هذا انو كنا مبدعين احرار".. و احنا بش نواصلو نكونو مبدعين احرار لا تنتمي لا حتى تلفزة لا لمخرج لا ماكينة ننتمي فقط للفن و الإبداع.. نحب نوجه رسالة لمرت عمارة سعاد و هي ممثلة نقلها وخيتي احنا اخواتك و انتي أمانة في رقبتنا.. سعاد طيبة و عاقلة برشا و كان عمارة الدرع متاعها في الميدان القاسي متاعنا و يخاف عليها.. نحب نقلها ما تخافش احنا بش نقعدو ديما السند متاعك و ربي يرحم عمارة "
المنصف العجنقي في برنامج رمضان_الخير مع سامي بالنور واعداد رامي مكلين:
🔷السيتكومات الناجحة ديما تكون بممثلين عندهم علاقة كبيرة ببعظهم فما توليفة و طاقة تتعدى ماتنجمش تجيب ممثلين مايعرفوش بعضهم يخلقو ضحكة
🔷أنا بطبيعتي مغروم بالحيونات ربيت كلاب على عصافر على حاجات اخرى أما نخاف فما حنوشة و غيرو في رڨوج
🔷مهذب الرميلي برافو عليه أداء مقنع مميز و يتعامل مع الحيونات عادي
🔷من عمناول حكينا و نعرف الي عثمان بش يكون عندو حضور كبير في رقوج الكنز
🔷اختيار مني نكون موجود في رڨوج فقط كانت فما عروض اخرى و حتى توا ممكن نكون ضيف شرف مع الاصدقاء
🔷حبيت نركز ايام التصوير برشا و فما الراكور و الدور بيدو مش ساهل بالكل تذوب في الشخصية تلبسك نحكيو 12 ساعة تصوير في برشا ايام
🔷الناس تستنى في عثمان باش يحقق العدالة مانعرفش ممكن يتحقق هذا ولا نمشيو في ثنايا اخرى المهم فما برشا منعرجات و مازال برشا تشويق لأخر حلقة
🔷عزيز الجبالي مميز جدااا و شفتو في حاجات اخرى كيفاش يخدم بالكتلة متاع الشر أنا زادة يجيوني ميسجات فيها لوم فما إثارة أنا نجاوب و نتفهم
🔷مشهد الشطحة مع الحصان في الزردة مكانش فيه خطورة أنا بطبيعتي نعمل فروسية و الفارس الي جاء ممتاز كانت فما برشا ثقة و تعدات صفر ريسك
🔷المشهد تصور حقيقي كيف ما شفتوه لكن خذينا وقتنا مليح في التمارين
🔷انا نتفرج في كل الاعمال شوف كيف توصل تنتج عمل توا يتسمى انجاز أنا سوسن الجمني نحبها و فما رافل فما اسامة كوشكار شوف بحري الرحالي شوف مروان العريان خدم بصوت بحري و تبعت دوري في معاوية
🔷الفريق الي ما عبد الحميد اتقنو حكاية التشويق
🔷في رڨوج المنحى متاع عثمان كلو متعة أنا نكتشف في روحي من جديد
🔷انا عمري ما كنت نمطي نتحول من عمل لعمل فما مخرج ذكي يفهم الي أنت قادر
🔷شكرا عللخر عبد الحميد بوشناق الي وصلنا للمتعة هذي و اللعبة خطيرة لهجة ماتعرفهاش منين جاية
🔷التصوير في رڨوج متعب خاطر يتطلب برشا جدية هي مكينة محركينها من العام الي قبلي
🔷علاقتي بالرڨوجية الي سبقوني ممتازة اقربلي بحري الرحالي خدمنا اكثر مشاهد مع بعضنا نحب نشكرو قداش صبر معايا و محلاه توا تكتشفو هذا
🔷فرحان أنو نساو الناس بو رحمة و هذا هدف
🔷مسلسل معاوية نقرى في برشا نقد من ناس مهمين و فنانين و فما زادة عامة الجمهور
🔷اذا كان فما حد عندو دليل أنو الملابس اذيكا غالطة يتفضل فما بحث كبير حتى على المكياج في معاوية
🔷في مماليك النار ماتفقناش عوضني ممثل آخر توا اتفقنا دور باهي و تكتب مليح و مع طارق العريان تعدينا و كنا من التوانسة القلائل الي يتكتب النص بالوقت
🔷جمال المداني ممكن خاطر هو أبو لهب و ظهورو في الحلقة الاولى ممتاز شفت برشا ممثلين محلاهم
🔷انا جاء مقترح معاوية ممثل تونسي علاش مايقبلش فما المادي و فما حطونا فوق ريوسهم
🔷كان فما خلاف من الأول على العربية صارلي خلاف و الي قالو جمال مداني صحيح
🔷جمال المداني اكبر من طارق العريان أنا جمال شفتو في العربية في المسرح و السينما عندو الف حق
🔷في تونس ناقص مشروع قرار سياسي بش نعملو أعمال تاريخية كبرى
الممثل المنصف_الوكيل في برنامج ناس_رمضان مع ملاك_الدوزي:
🔴التمثيل بدأ من الصغرة في المدرسة الابتدائية كنا ٱخر كل سنة دراسية نعملوا مسرحيات صغيرة
🔴بعد دخلت للهواية مع عامر التونسي ،عياد الشميسي الله يرحمهم وعدة مخرجين و مؤلفين كبار
🔴أول مسرحية خدمتها "الطرش حكمة " متاع مختار الحشيشة ،إخراج سي محمد الحبيب السلامي ربي يطول عمرو
🔴خدمت مايقارب 20 سنة هواية وتوة دخلت الإحتراف مركز الفنون الدرامية والركحية بصفاقس عندي مايقارب 25سنة في الإحتراف
🔴أدواري في التلفزة ثانوية كيما دوري حمادي في نسيبتي العزيزة و عبد الجليل في حسابات وعقابات و دوري زادة في عاشق السراب اللي صورناه في القيروان
🔴أنا مع الإعادات باش يبدى الممثل ديما في ذهن المتفرج
🔴 المتفرج يحب الإعادات لأنو يرى روحو فيها و في البوتقة هذيكا
🔴أنا مانيش ضد الجديد ولكن أنا مع المحافظة على العائلة
🔴القضايا المطروحة اليوم في المسلسلات هي قضايا موجودة لكن موش حاجة مهمة برشا تهم المجتمع من قريب ،تهمو في بعض الحالات
🔴كي نعملوا مسلسل من أول حلقة لٱخر حلقة وأنا نحكي على المخدرات أو الحرقة اللي تهم حالات من المجتمع حتى من الكتابة تضعف ،وقت اللي عنا كتاب كبار كيما سي علي اللواتي ،عبد القادر الحاج نصر يكتبلك مسلسل عادي ماللي عمرو 10 سنين إلى 80 سنة موجودين
🔴أنا غايب عن المسلسلات نظرا لعمري و مظهري راجل في ال70 سنة تلقاه موش موجود هذا
🔴اليوم مشكلنا السيناريو هل لهذا الحد مابقاش عندنا كتاب ،بالعكس عندنا مافيه الكفاية ،لكن شكون باش يخدم
🔴والمشكل اللي عندنا كبير يقتصر على يا القناة الوطنية اللي هي موارها ماهيش كبيرة ياسر ياإما les boîtes de production privés ،يحاول يجيب 7 ،8 ممثلين كهو ،أمور مادية أكثر منها أدبية
🔴أحنا حتى كان نطلبوا نطلبوا في أسعار متوسطة ،ولكن شنوة ذنبو الشاب كي تجيبو يمثل وماتعطيه شيء أو تعطيه باضوعة
🔴الفن ولا ربحي تجاري مناش ضد التجارة والخواص يستثمروا في الدراما ولكن يلزمك تصرف و تخدم حاجة تهم المجتمع وعدم تمطيط للحلقات والسيناريو
🔴موش معقول اليوم مع كامل احتراماتي وبدون ذكر أسماء تاخو فيلم و تمططلوا في الأحداث يولي مسلسل
🔴المتفرج ولا معادش يحب يتفرج ويرجع للقديم
🔴التلفزة لازم يكون فيها احترام لأنها ماتطرقش بابك وكل تونسي عندوا فيها الحق
🔴الدراما المصرية و المغربية نعرفهم حقيقة تنجم تتفرج مع العائلة رغم يطرحوا قضايا حساسة ،لكن كيفاه يطرحوا و يصيغوا القضية
🔴تبعت شوية السنة عجبني مسلسل معاوية وما أحوجنا للأعمال الكبيرة التاريخية
🔴عندنا كتاب كبار في تونس كي ترى المسلسلات القديمة حسابات وعقابات ،الخطاب على الباب ،غادة ،سي علي اللواتي ،عبد القادر الحاج نصر خدمتلوا أيام مليحة ،جمال الدين خليف الله يرحموا خدمتلوا الزوجة الخامسة ،معناها عندنا كنز من الكتاب و الأعمال
🔴عندنا كتاب كبار علاه نقتصروا على 4 من الناس ونستسهلوا برشا الأشياء
🔴غانم الزرلي في معاوية ماشاء الله عليه كيف كيف سهير بن عمارة خدمت معاها قبل برشا ،عائشة بن أحمد أيضا ،مبدعين
🔴عندي أعمال إذاعية ،عمناول " منصور الأندلس " خدمتوا بطولة على الإذاعة الوطنية تبث 30 حلقة و القضية باهية ياسر حول الأندلس و سقوط الأندلس
🔴توة عندي مسلسل " دار القفل" على إذاعة صفاقس يبدى 13,30
🔴وعندي أعمال مسرحية ،عندي مسرحية "الغائب الحاضر"، إخراج عبد الوافي ندور بيها في كافة تراب الجمهورية
🔴وعندي زوز أعمال جديدة خدمتهم للجنة الوزارة جات الجمعة اللي فاتت للاختيار لجنة الشراءات ،عمل" لونغا عجيبة للأطفال "،إخراج عبد الوافي ،وعندي "قناطرية" للكبار إخراج الأزهر بوعزيزي وعندي بقدرة ربي بعد رمضان مسرحية جديدة للمخرج مقداد المعزون "دائرة الطباشير القوقازية لبريشت "،تأليف و إخراج مقداد المعزون
🔴الحمدلله أنا ناشط برشا على المسرح ،والمسرح موش ساهل
